Sisimiuni Majoriami Pilersitsivimmi inuusuttut 16-init 29-t tikillugit ukiulinnut, atuagarsornermik imaluunniit sulilernissamut suli piareersimanngitsunut, atuagarsornertaqanngitsumik ingerlatsinermut sulisussanik pissarsiorpoq. Pilersitsivik arlalinnik sannaviuteqarpoq, qisunnik sannavik, sanaartornermut atortorissaarutit iggavillu. Pinngortitallu atornera Pilersitsivimmiit annertuumik ingerlanneqarpoq. Inuusuttunik sullisserusuttunik aammalu assaat atorlugit sullarissumik kiisalu inuusuttunik suleqateqallaqqissumik pissarsiorpugut.
Pilersitsiviup siunertarai:
- Qeqqata Kommuniani Sisimiuni, sulilersitsiniaanermut neqeroorut inuusuttut atugarisaannut tulluarsagaq
- Ingerlaaseq sulinermik, ulluinnarni aaqqissuussamik, sulinikkut misilittakkanik nassaarsiullaqqissutsimillu tunngaveqartoq
- Inuusuttunik inuttut ilinniakkatigullu ineriartornissaannut inerikkiartornissaannullu tapersersuineq
- Ataasiakkaat periarfissaannik pitsanngorsaaniarluni aaqqissuussaasumik siunertalimmillu sulineq.
- Avatangiisimik toqqissisimanartumik isumassarsiorfiusinnaasumillu pilersitsineq.
Suliassat akisussaaffiillu:
- Inuusuttunik inuutissarsiutigalugu sulilernissamut ilinniagaqaqqinnissamulluunniit inuunerminni unittoorsimasunik tapersersuisoq
- Atuisut, inuusuttut anguniakkaminnik angusinissaannut kajumissaarineq
- Pilersitsivimmi ingerlalluarnissamik qulakkeerineq, ataqatigiinnermik suleqatigiilluarnermillu pilersitsineq
- Inuusuttunik sannavinni assigiinngitsuni aallarnisartitsineq isumagalugu
- Sammineqarumaartussanik pilersaarusiorneq
- Inuusuttunut tapersersuineq inooriaatsimullu peqqinnartumut sammisaqarfiusumullu kajumilersitsineq.
Piginnaasassat:
- Inuusuttut tungaatigut misilittagaqartuusutit ilinniakkatigullu perorsaanikkulluunniit tunuliaqutaqartuusutit
- Misilittagaqassasutit – inuttut inuussutissarsiuteqarnikkullu – misilittakkatillu naapertorlugit inuusuttut piginnaasaannik takunnissinnaallutit taakkulu inussiarnerlutit, aalajangersimallutit tutsuiginartuullutillu oqaloqatigilluarsinnaallugit
- Naammagittartuusutit, anguniagaqartuusutit angusanillu takorusuttuusutit.
- Suleqatikkuminarlutillu saaffikkuminartuusutit
- Inunnut isiginnittariaatsit kissalaartuusoq
- Aalajaatsuusutit, torersuusutit, pisuni ulapaarfiusuni eqqissisisimasinnaasutit tamanillu takunnissinnaassuseqarlutit
- Nammineerlutit sulisinnaassuseqartutit, suliassanik amerlasuunik ingerlataqarnissamut pikkorissuusutit
- Marlunnik kalaallisut danskisut oqalussinnaaneq iluaqutaassaaq
Neqeroorutigisinnaavarput:
- Ulluinnaq pissanganartoq unammillernartorlu
- Suleqatit pitsaasut piginnaasaqartullu
- Suliffeqarfik pissanganartumik ineriartortoq, inuttut ineriartornissamut periarfissaqartoq
Akissarsiat atorfeqartitaanermullu atugassarititaasut:
Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.
Inissaqartitsisoqarsinnaavoq, malittarisassallu atuuttut naapertorlugit akiliuteqartoqartassalluni.
Atorfiniffissaq 1. december 2025 isumaqatigiissuteqarnikkulluunniit.
Annertunerusumik paasisaqarusukkuit attavissaq:
Atorfik pillugu paasissutissat annertunerusut pisortamut Nûno Motzfeldt-Skovgaard (+299) 86 71 59, e-mail nuno@qeqqata.gl atorlugit saaffiginninnikkut pissarsiarineqarsinnaapput.
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: novembarip 13.-at, 2025