Utoqqarnut Inunnullu innarluutilinnut immikkoortortami fagchefi
Qeqqata Kommunia Utoqqarnut Inunnullu innarluutilinnut immikkoortortami fagchefimik pissarsiorpoq ulloq 1. januar 2026 imaluunniit isumaqatigiissuteqarnikkut sulilersussamik.
Kina ujarparput?
Utoqqarnut Inunnullu innarluutilinnut atugassarititaasunik pitsanngorsaaqataanissannut sulerusussuseqartuuvutit - taamaalillutit taakkununnga inatsisitigut atugassarititaasut qulakkiissavatit. Immikkoortumi suliaqarfiusumi suleqatit pikkorissut qanimut suleqatigalugit ineriartortitsinissamut aammalu suleriutsinik assigiissaarinermut kajumissuseqartuuvutit. Politikkikkut systemip qanoq ingerlariaaseqarneranik ilisimasaqartuuvutit paasisimallugulu suut suliassat politikkikkut suliassaanersut Atugarissaarnermut Ataatsimiititaliami imaluunniit Kommunalbestyrelsimi, aammalu sorliit allaffissornikkut aalajangerneqartussaanersut. Isumaginninnermut inatsimmut ilisimasaqarluartuuvutit, tamatumani aamma soraarnerusutisiaqarnernut inatsimmut.
Aqutsisutut sulisunut sallersaassatit sulisut pisinnaasamikkut qaffasissumik pisinaasaqarnissaannut qulakkeerisuullutit, peqataatitsineq, ammasuuneq aammalu ataqqeqatigiinneq ukkataralugit. Sulissaatit immikkoortortaqarfiit allat, Oqartusat kattuuffiillu pimoorussisumik akimortumik suleqatigiinnissaat ataqatigiinnissaallu pilersinniarlugu.
Qeqqata Kommuniani pisortaaqatigiinnut fagchef-itut ilaassaatit.
Atorfik pillugu:
Qeqqata Kommuniani Atugarissaarnermut immikkoortortamik aaqqissuusseqqineranut atatillugu 2025-i aallartittoq atorfik pilersinneqarpoq.
Fagchefip akisussaaffigai utoqqat Inuillu innarluuteqartunut aammalu soraarnerussutisiaqarnermut immikkoortortaqarfik illoqarfiit marluusut nunaqarfiillu arfinillit: Sisimiut, Maniitsoq, Kangerlussuaq, Sarfannguit, Itilleq, Kangaamiut, Napasoq aammalu Atammik.
Utoqqarnut Inunnullu innarluutilinnut immikkoortortami allaffeqarfiani sulisunut fagchefip toqqaannartumik akusussaaffigai aammalu kommunip allaffiata avataani suliffeqarfinnut qullersaalluni, matumani utoqqaat angerlarsimaffiinut marluusunut, Sisimiuni Maniitsumilu inissisimasunut, Kangaamiuni utoqqaat angerlarsimaffianut, angerlarsimaffinni ikiorteqarfinnut, Inuit innaarluuteqartunut najugaqaqatigiiffinnut, najuagaqarfiit illersugaasunut sannaviillu illersukkat tapersersortinullu. Katillugu sulisut 402 missaaniipput. Taakku saniatigut 252 mio. kr-inik missingersuutinut fagchef-i akisussaasuuvoq.
Fagchefitut Sisimiuni imaluunniit Maniitsumi najugaqarusunnerlutit nammineq aalajangissavat, aaqqissuussaanikkullu fagchef-itut Atugarissaarnermut Pisortaaneq Sisimiuni inissisimasumut qaninnertut pisortarivat.
Akisussaaffiit suliassallu:
- Atugarissaarnermut Pisortaaneq, Meeqqanut ilaqutariinnullu immikkoortortami fagchefip kiisalu stabschef qanimut suleqatigalugit Atugarissaarnermut pingaarnertut periusissiamik atuutilersitsinerup qulakkeernissaa.
- Utoqqarnut Inunnullu innarluutilinnut soraarnerussutisiaqarnermut immikkoortortamut aningaasaqarnikkut ingerlanneqarnerata isumannaatsuunissaat aammalu missingersuutit aningaasaliissutit iluini atuinissap qulakkeernissaa.
- Siusinaartumik soraarnerusutisiaqartunut aammalu utoqqalinersiaqartunut sullissinermut akisussaasuuneq.
- Sulisut pisinnaasaasa qaffassarnissaannut inatsisillu malinneqarnissaannut qulakkeerinninneq.
- Atugarissaanermut Ataatsimiititaliamut Kommunalbestyrelsimullu saqqummiussiissutiliorneq saqqummiussiissutiliorsimasunullu pitsaassusaannut qulakkeerinninneq.
- Inatsisit, malittarisassat ilitsersuutillu malinneqarnissaannut qulakkeerinnissaatit kiisalu allaffissornikkut pitsaasumik periuseqarnissamik aammalu allaffissornikkut maleruaqqusanik malitsisisoqarnissaanut qulakkeerinnissaatit.
- Politikkerit aammalu allaffissorlutik sulisut akornanni pitsaasumik suleqatigiinnissaannut akisussaaqataaneq aammalu suleqatigisannut allanut kattuffinnullu.
- Sulisunnut tamanut ersarissunik sammiviliissaatit sinaakkusiissallutillu illoqarfiit nunaqarfiillu akornanni ilisimasanik suliatigullu avitseqatigiittarnissat akimortumik suleqatigiissutiginissaasa qulakkeerinnissaatit.
- Allaffissuarmi allaffissuullu avataaniitut aalajangiinissanut pingaarutilinnut tullersortit immikkoortortanilu aqutsisut akuutittassavatit.
- Aqutsisutigut nakkutiginninnerit ingerlanneqarnissaa kiisalu utoqqaat angerlarsimaffiini, najugaqaqatigiiffinni najugaqatigiiffinnilu illersukkani najugaqartunik ingerlatsinermut inunnullu sammisunik nakkutilliinermik ingerlatsisoqarnissaanik qulakkeerinninnissaq.
- Suleqatigiissitani qullersanit, Atugarissaarnermut immikkoortortamit imaluunniit aqutsisooqatigiinnit pilersitani peqataanissaq.
Piumasaqaatit piginnaasallu:
- Qaffasissumik ilinniagartooq imaluunniit allatigut ingerlaqqiffiusumik ilinniagalik.
- Pisortaqarfiit iluini aqutsisutut piginnaasaqarlutillu misilittagaqartutit.
- Isumaginninnermi tunngasuni inatsisinik ilisimasaqarluartuusutit, ilanngullugu siusinaartumik soraanerutisiaqarneq aammalu utoqqaliniarsianut tunngasut.
- Suliniummi aqutsisuuneq aammalu aningaasanik aqutsineq misilittagaqarfigigit.
- Sulisut avataanilu suleqatinut pitsaasumik suleqatiginissaanut ujartuinermut pikkoriffeqartutit
- Utooqarnut Inunnullu innarluutilinnut immikkoortortami ineriartortitsinermik anguniagaqartumik, peqqissaarussisumik aammalu eqqarsaatigilluakkamik sulisinnaassuseqartutit.
- Attaveqatigiinnikkut allakkatigut oqaluttariarsornikkullu piginnaasaqarluartutit
- Namminersorlutit akisussaassuseqartumilu periuseqarlutit sulisinnaasutit.
- Aaqqissuulluakkamik periuseqartumik inerititaqarusuttumillu suleriuseqartutit periarfissat isigalugit aporfiunngitsut
- Kalaallisut qallunaatullu oqaaseqartuuguit iluaqutaassaq, piumasaqaataanngilarli
- Kalaallit Nunaanni inueqatigiinni pissutsinut kultur-ianullu ilisimasaqarneq iluaqutaassaaq.
Neqeroorutigaagut:
- Suliffeqarfik ineriartortoq suleqatigiinnissamillu pingaartitsisoq
- Suliatigut inuttullu ineriartornissamut periarfissaqartoq aammalu suliat imarisaannut sunniuteqaqataanissamut periarfissaqarluartoq
- Suliffeqarfik aaqqissuussanermigut avitseqatigiiffiusoq suliniutinullu inissaqartitsisoq
- Sisimiuni Maniitsumiluunniit najugaqaraluaraanni pinngortitaq immikkuullarissoq kusanarluinnartorlu.
Pineqaatissinneqarsimannginnermut meeqqanullu pinerliisimannginnermut uppernarsaatit:
Pineqaatissinneqarsimannginnermut uppernarsaammik aamma meeqqanik pinerliisimannginnermut uppernarsaammik piniarnissamik atorfik piumasaqaateqarpoq. Uppernarsaatit attuumassuteqartut kommunimit pissarsiarineqareeriarpata atorfinitsitaaneq aatsaat pisinnaavoq.
Akissarsiat, atorfinitsitaanermilu atugassarititaasut:
Akissarsiat atorfinitsitaanermilu atugassarititaasut Naalakkersuisut aamma Akademikerorganisationer (ataatsimoorussamik pisortanut isumaqatigiissut ulloq 12. Juni 2025) Qaffasissuseq 2, lønramme 38 isumaqatigiissutaat naapertorlugu isumaqatigiissutigineqassapput. Maleruagassat atuuttut naapertorlugit inissaqartitsisoqassaaq, minnerpaamik ukiut pingasut atorfeqareernermi atorfininnermi soraarnermilu akiliunneqarluni angalaneq pequtinillu assartuineq ilanngunneqassallutik.
Paasissutissat annertunerusut aamma qinnuteqaat:
Annertunerusumik paasissutissat pissarsiariniarlugit Atugarissaarnermut Pisortaaneq Paneeraq Olsen oqarasuaatikkut (+299) 86 73 03, e-mail: pnol@qeqqata.gl attavigineqassaaq. Qinnuteqaat pineqaatissinneqarsimannginnermut uppernarsaat, ilinniarsimanermut uppernarsaatit sulisitsisorisimasamillu oqaaseqaatit PDF-filinngorlugit kommunip nittartagaatigut kingusinnerpaamik 28. november 2025-mi ikkunneqareersimassapput.
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: novembarip 28.-at, 2025