Atorfik pissanganartoq SoMe-mik sulianik ingerlatsisussamik Qeqqata Kommunia pissarsiorpoq.
SoMe-mik suliaqartup innuttaasut ulluinnarnut, sullissinermut ineriartornermullu qaninnerulersinnissai akisussaaffigissavaa, kommunimi annertuunik anguniagalimmi.
Aaqqissuussaaneq akimorlugu pingaartumillu suliniutinut sammisunik suliaqartuni immikkoortortami suleqataalissaatit. Suliniutinut pingaartumik innuttaasunut, tusagassiuutinut suleqatigisanut, sulisunut allanullu sammisunut suleqataassaatit. Suliassanut qanimut suleqatigiinnissaq aammalu suleqatigiittut ataqatigiilluarnissaq pisortaqatigiinnit pingaartinneqartoq SoMe-mik suliaqartussamit peqataaffigineqarnissaa kissaatigaarput.
Suliassat akisussaaffiillu:
- Inuit attaveqaqatigiittarfiini kommunip quppernerini imarisassanik pilersaarusiorneq, pilersitsineq saqqummersitsinerlu
- Allatanik, assinik aamma aalasulianik facebookimi, Instagrammimi, Linkedin-imi aamma nittartakkami(ass. Aamma Tiktok-imi) saqqummersitassanik pilersitsineq
- Suliffeqarfiutitsinniit, nunaqarfitsinniit, suliniutitsinniit aamma sulisutsinniit oqaluttuanik pissanganartunik oqaluttualiorneq
- Sumiiffinni pisoqarfinnit, aaqqissuussanit aamma immikkut pisoqarfinniit allaaserisaqarneq
- Ersarissumik inussiarnersumillu paasissutissiinikkut innuttaasunik attaveqarnermik nukittorsaaneq
- Suliffeqarfiup nittarsaanneranut aamma sulisussarsiornermi nittarsaanermut peqataaneq
- Kommunip digitalikkut ersialaarnissaa ataavartuunissaanik imarisassaanut pilersaarusiornikkut aamma inerisaanikkut qulakkeerinninneq
- Takutitsinerup nakkutiginissaa kiisalu misissuinernik oqittunik innersuussutinillu tunniussineq
- Imarisassanik naleqquttunik immikkoortunut innersuussinissamut suleqateqarneq
- Suliassat allat
Piginnaasat:
- SoMe iluani aqutsinermik ilinniagaqartutit imaluunniit attaveqatigiinnermik attuumassutilimmik ilinniagaqartutit imaluunniit allamik ingerlariaqqiffiusumik attuumasumik ilinniarsimassaatit, Kalaallit Nunaannilu inuiaqatigiinni pissutsinik ilisimasaqarnissaq pitsaassaaq
- Oqaatsitigut allattariarsornikkullu attaveqallaqqissuussaatit
- Namminersorlutit, aaqqissuussaasumik aamma nutaaliortumik sulisinnaasutit
- Inuit attaveqaqatigiittarfiini inuussutissarsiutigalugu suliaqarnissamik misilittagaqartutit
- Aalasuliornissamut, naatsumik apersuinissamut aamma suliffiup iluani pisunik imaqartunik suliaqarnissamut sapiissuseqartutit
- Kommunimi ingerlatsinermik innuttaasunullu tunngasumik attaveqarnissamut paasisimasaqarluartutit
- Ulluinnarni attaveqaqattaarnermik assigiinngitsunillu suliaqarnermi nuannarisaqartutit
Kalaallisut danskisullu oqaaseqaruit pitsaassaaq, imaluunniit oqaatsit ilinniarnissaannut kajumissuseqaruit.
Akissarsiat sulinermilu atugassarititaasut:Akissarsianut atorfinitsitaanermilu atugassarititaasut, taakkununnga ilanngullugit atorfinikkiartorluni soraarlunilu angalaneq aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatiigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.
Inissamik innersuussisoqarsinnaavoq malittarisassat sukkulluunniit atuuttut malillugit ineqarnermut akiliutinik il.il. akilerneqartussamik.
Atorfik allaffissornikkut Sisimiuni inissisimavoq aammalu Sisimiuni Pisortaanerup sulisuinut pisortap ataani aaqqissuussaalluni.
Piaartumik isumaqatigiissuteqarnikkulluunniit atorfinittoqassaaq.
Atorfik pillugu paasissutissat annertunerusut, Sisimiuni Pisortaanerup sulisuinut pisortaagallartumut Mette B. Berthelsenimut, oqarasuaat (+299) 86 73 02, e-mail: mbbe@qeqqata.gl atorlugit saaffiginninnikkut pissarsiarineqarsinnaapput.
Pisortaanerup sulisuisa atuuffiat pillugu
Attaveqaqatigiinnermut siunnersorti Pisortaanerup sulisuisa ataaniippoq, Qullersaqarfiup ataani akimortumik suliaqartuulluni. Pisortaanerup sulisui Sisimiuni Maniitsumilu agguagaapput, kommunillu iluani akimortumik ingerlatsinermi- aamma ineriartortitsinermi suliassanik suliaqartarput. Suliassat politikkimut - soorluttaaq allaffissornikkut suliassaasinnaapput.
Qeqqata Kommunia immikkut peqqissuunissamut suliniummik ukkataqartuuvoq, tassuunakkullu meeqqat isumassorneqarnissaat illersorneqarnissaat kiisalu utoqqaat pitsaasumik inuuneqarnissaasa attatiinnarneqarnissaat ataqatigiissakkamillu pitsaaliuilluni suliniutit ilaatigut qulakkeerneqassallutik.
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik nassiunneqassaaq
Qinnuteqarnissamut killissarititaasoq: februaarip 18.-at, 2026