Qeqqata Kommuniani Maniitsumi Atugarissaarnermut Immikkoortortaqarfimmi siusinaartumik pensionilerisut isumaginninnermi siunnersortissarsiorput / Sullissisussarsiorput
Maniitsumi soraarnerussutisialerisuni pitsaasumik sullissinissap qulakkeernissaa pingaartippiuk? Suleqatigiit tunniusimasut akornanni suleqataarusuppit? Maniitsumi Atugarissaarnermut Immikkoortortaq - sullitanut siunnersortimik, suliassanik sullissisumik piaartumik atorfinittussamik pissarsiorpoq.
Atorfik pillugu:
Atorfik una 2016-imi soraarnerussutisiallit pillugit aaqqissuusseqqinnerup kingorna aamma inatsisit allanngortinneqareernerini immikkoortortaqarfimmi ineriartortinneqartuaannartumiitinneqarpoq. Suliffiup avataani suliffiullu iluani suleqataasut suleqatigalugit innuttaasunik kiffartuussinermi pitsaassuseq naammassiuminarsaanerlu pingaartinneqarput. Suliffiup avatangiisai pitsaasut naleqartippavut sulisullu suliatigut inuttullu ineriartornissaat eqqarsaatigalugu tapersersuisarluta.
Suliassanut akisussaaffinnullu tunngasut:
- Pensionisiaqalernissamut ataatasimiititaliap ataatsimiinnerani peqataaneq
- Siusinaartumik pensionisiallit sulisinnaassusaannik nalilersueqqinneq
- Soraarnerussutisiallit ukiumoortumik ataavartuusumillu iluarsiivigineqartarneri
- Siusinaartumik pensionisianik allaffissornikkut aqutsineq pillugu aalajangiinerit
- Meeqqanut tapit inuttullu tapit pillugit qinnuteqaatit suliarineri
- Soraarnerussutisiaqarfimmi naammagittaalliuutit isumagineri
- Sullissineq pillugu nunaqarfinni sulisunik siunnersuineq
- Sulianik suliarineq utoqqalinersiaqarnerup iluani.
Ilinnut naatsorsuutigisavut:
- Isumaginninnerup iluani soraarnerussutisiaqarfimmut tunngatillugu inatsisinik ilisimasaqartuusutit.
- Sullissinermut tunngatillugu misilittagaqartutit.
- Illup iluani avataanilu ataatsimeeqataasarnernik misilittagaqartutit.
- Attaveqaqatigiinnermut pitsaasunik pisinnaasaqarneq
- Soraarnerussutisialerisuni aalajangiinerit allagaqaatillu allat suliarisinnaagitit
- Sulinermi namminersorsinnaasutit akisussaassuseqarlutillu.
Ilinniakkatigut piginnaasat:
- Isumaginninnermi siunnersortitut tassungaluunniit attuumassutilimmut ilinniarsimasuusutit.
- Aalajaatsuussaatit, pitsaassutsimik pingaartitsisoq immikkuualuttunullu malussarissoq.
- Isumalluartuullutillu ilakkuminartuusutit.
- Ulluni ulapaarfiusuni ukkassilluni aaqqissuussaasumillu sulisinnaassuseqartutit.
- Allattariarsornikkut oqaluttariarsornikkullu erseqqissumik attaveqallaqqissoq.
- Sulinermi namminersorsinnaassasutit akisussaassuseqarlutillu.
- Akimortumik suleqatiginnillaqqissuusutit.
- Qinnuteqartoq marluinnik oqaasiliunissaa (kalaallisut qallunaatullu) orniginartinneqarpoq.
Neqeroorutigaagut:
- Suliffeqarfik ineriartortoq pitsaasunik sulisulik.
- Suliffiup imarisaanut sunniuteqarnissaq aaqqissuussaanerullu ineriartortinneqarnerani tunniussaqarnissamut periarfissalik.
- Suleqatigiiffiulluartoq qanimut siunnersueqatigiiffiusoq iliuuseqartoqartarnissanullu inissaqartitsiffiusoq.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Pineqaatissinneqarsimannginnermut uppernarsaammik aamma meeqqanik pinerliisimannginnermut uppernarsaammik piniartarneq. Uppernarsaatit attuumassuteqartut kommunimit pissarsiarineqareeriarpata atorfinitsitaaneq aatsaat pisinnaavoq.
Akissarsiat, atorfinitsitaanermilu atugassarititaasut:
Akissarsiat atorfeqartitaanermilu atugassarititaasut Namminersorlutik Oqartussat, AK-p imaluunniit kattuffiup isumaqatigiinniarsinnaatitaasup susassaqartup akornanni isumaqatigiissut atuuttoq naapertorlugu pissapput. Atorfinitsitsineq qaammatini pingasuni misiliinertaqassaaq. Malittarisassat atuuttut naapertorlugit inissaqartitsisoqassaaq, aamma atorfininnermi soraarniuteqarnermilu angalanissat kiisalu pequtit nuussorneqarnissaat sivikinnerpaamik ukiuni pingasuni atorfeqarnissaq malillugu akiliussisoqassaaq.
Paasissutissat annertunerusut aamma qinnuteqaat:
Paasissutissat annertunerusut pissarsiarinissaannut immikkoortortaqarfimmi aqutisoq Louise O. Kristiansen oqarasuaatikkut (+299) 81 78 58 e-mailikkut: louk@qeqqata.gl imaluunniit fagchefi Dariusz Sobczynski oqarasuaatikkut (+299) 81 78 53, e-mailikkut: daso@qeqqata.gl. Qinnuteqaat, pineqaatissinneqarsimannginnermut uppernarsaat, ilinniagaqarsimanermut uppernarsaatit kiisalu siusinnerusukkut sulisitsisunit oqaaseqaatit PDF-itut kommunip nittartagaanut ikkunneqassapput.
Qinnuteqarnissamut killigititaq aalajangersimasoqanngilaq, suleqatissatut piukkunnarnerpaaq utaqqerusukkatsigu. Qinnuteqartut piukkunnartut ingerlaavartumik oqaloqatiginnikkiartortissavagut, atorfimmullu inuttassarsigaangatta atorfinitsitsineq matuneqassalluni. Taamaattumik qinnuteqaatit piaarnerpaamik nassiunnissaa kaammattuutigaarput.
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.