Anlægschef i Sisimiut

1. novembari 2025-mi isumaqatigiissuteqarnikkulluunniit aallartittussamik Qeqqata Kommunia Sanaartornermutpisortassarsiorpoq

Sanaartornermut immikkoortumi kommuni tamakkerlugu sanaartornermut suliassarpassuarnut siammasissunullu tunngassuteqartunik sulinermi ilaatigut teknikkikkut unamminartitat aamma aningaasaqarnermik sanaartornermillu aqutsineq nukittooq ataqatigiissagaasumi Sanaartornermut pisortap siuttuuffigissavai. Sanaartornermut immikkoortumi 90 mio. koruunit sanaartugassanullu anginerusunut 150 mio. koruunit ukiumut kommunimit atorneqartarput. Kommunimi angalasarnissaq naatsorsuutigineqassaaq.

Sisimiuni aamma Maniitsumi sanaartornermut tunngasunik suliallit marluk pisortaaffigissavatit ataatsimillu atorfinitsitsinissaq periarfissaavoq. Suliatigut nukittuujuneq inuttullu innarligassaanngitsutut inissisimaneq tunngavigalugu aqutseriaaseq pitsaassuseqarluinnartoq oqaloqatigiinnermillu pingaartitsisoq aqutsisutut ingerlatarisinnaagit naatsorsuutigaarput. Tamatuma peqataanik suliffeqarfimmi politikkikkut aqunneqartumi aqutsisuussaatit suliatigullu naliliisarnitit politikkikkullu eqqarsaateqarnermik piginnaasatit ilanngullugit atorluarneqartassallutik.

Teknikkeqarnermut Avatangiisinullu immikkoortortaq allaffissornikkut suliaqartunik 14-inik sulisoqarpoq – sanaartornermut immikkoortortaqarfiup saniatigut – allatseqarfimmi, pilersaarusiornermut immikkoortortaqarfimmi ingerlatsinermullu immikkoortortaqarfimmi agguataarsimapput.

Suliassat akisussaaffiillu:

• Kommunimi sanaartugassanut suliassat tamaasa allaffissornermi suliatigut aqutsinikkullu ingerlatsineq tamakkerlugu akisussaassuseqarneq.
• Sanaartornermut tunngasuni politikkikkut allaffissornikkullu anguniakkat tigussaasumik suliniutinngortinnissaasa qulakkeerneqarnissaat.
• Sanaartortitsisutut akisussaaffik kiisalu sanaartugassatut pilersaarutit nakkutigineri isumagalugit, matumani sanaartugassat nutaat, sanaartorfissagissaanerit nutarterinerillu ilanngullugit.
• Inuussutissarsiuteqartut inuussutissarsiornermut ineriatortitsinissamut sinaakkutissatut pisariaqartitaasa pitsaasumik sullissinerit ingerlatsivilimmik kiffartuunneqarnissamut piareersimasumik naapitaqartarsinnaanissaannut qulakkeerinneqataassaatit.
• Politikkikkut ataatsimiititalianut sanaartornermut tunngasunik siunnersuineq, nalunaarusiorneq suliassanillu saqqummiussassaliorneq.
• Teknikkeqarnermut pisortaq suleqatigalugu sanaartukkanut missingersuutinik pingaarnertut akisussaasuuneq.

Piginnaasaqarfiit:

• Ingeniøritut, bygningskontruktøritut, illussanik titartaasartutut assigisaanilluunniit ilinniarsimasuusutit.
• Sanaartornermut immikkoortortami kommunip ukiumut 90 mio. koruunit atortarmagit sanaartornermi pilersaarutinik aqutsineq ilisimaarilluassagit. Aamma sanaartornermut suliniutinut 150 mio. koruunit.
• Pisortani aamma/imalt. suliffeqarfinni namminersortuni aqutsilluarnermik misilittagaqartuusutit.
• Sanaartornermut aamma sanaartoriaatsinut siammasissumik ilisimasaqartuusutit.
• Sanaartortitsisutut nakkutilliinermillu oqartussaqarfittut ajornanngippat misilittagaqarnissat.
• Arlalinnik oqaaseqartuusutit.
• Suleqataasunik, aqutsisorisannik, politikerinik illullu avataani suleqatigisanik suleqateqarsinnaasutit aammalu pitsaasumik suleqatigiinnissamut tunngaviliisumik attaveqaatinik pilersitsinissamut paasinnittuusutit.
• Aaqqissuussaasumik suleriaaseqartutit, misissueqqissaarsinnaassuseqartutit kiisalu oqaasiinnartigut allakkatigullu paasinartumik ersarissumillu saqqummiisinnaasutit.

Akissarsiat atorfininnermilu atugassarititaasut:Akissarsianut atorfinitsitaanermilu atugassarititaasut, Naalakkersuisut sulininnilu isumaqatiginninniarsinnaatitaalluni kattuffiup akornanni isumaqatigiissutit sukkulluunniit atuuttut naapertorlugit inissinneqassapput.  

Sanaartornermut pisortatut atorfik allaffissornikkut Sisimiuni inissisimavoq, aaqqissuussaanikkullu teknikkeqarnermut pisortap ataani inissitaalluni.

Inissaqartitsisoqarsinnaavoq, malittarisassallu atuuttut malillugit akilersorneqassalluni.

Atorfiniffissaq: 1. november imaluunniit isumaqatigiissuteqarnikkut

Sanaartornermut pisortatut atorfik pillugu paasissutissat annertunerusut paaserusukkukkit Kommunimi pisortaaneq Hans Christian Sværd, oqarasuaat (+299) 86 73 01, e-mail hcsv@qeqqata.gl    imaluunniit teknikkeqarnermut pisortaq Josephine Jørgensen, oqarasuaat (+299) 86 74 75, e-mail: join@qeqqata.gl atorlugit paasiniarneqarsinnaapput  

Qeqqata Kommuniani ukkatarineqartut

Kommunip suleriaasia, innuttaasunik naapitsisarnera, inuutissarsiutillit, avataaniillu suleqatigineqartartut Akimortumik suleriaaseqarnermut, Innuttaasunik akuutitsinermut, Nammineq kajumissutsimik sulisarnermut, Nunarsuarmioqataanerulernissamut Sulisullu ilorrisimaarnerinut suli ilisarnaataassapput.

Kommunimi atorfilimmik naapitsigit

Qeqqata Kommuniani kommuni tamakkerlugu sulisut 1300-t missaanniipput (atuarfiit, paaqqinnittarfiit, allaffeqarfik) taakkunannga allaffeqarfimmi katillugit sulisut 141-llutik, Sisimiuni 94-it Maniitsumilu 47-t.

Nittartakkatsinni www.qeqqata.gl/ansat-imi Qeqqata Kommuniani sulisutut kommunimi sulileqqaarnermit ukiuni arlalinni sulisuunermi sulisut assigiinngitsut misigisimasaat atuarsinnaavatit.

Qinnuteqaat:

Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.

Imatut qinnuteqassaatit:

Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.

Malugiuk:

Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.

Qinnuteqarnissamut killissarititaasoq: oktobarip 17.-at, 2025