Minngortuunnguup Atuarfiani ilinniartitsisunik sisamanik pissarsiorpugut
Minngortuunnguup Atuarfiani piumassusilinnik ilinniartitsisussarsiorpugut. Atuarfimmi ineriartortumi tunniusimalluni suleqataarusuttunik meeqqanullu immikkut pisariaqartitsisunut pikkoriffilinnik suleqatissarsiorpugut.
Minngortuunnguup Atuarfia 400-t missaanni atuartoqarpoq, 60-nik ilinniartitsisoqarpoq klassinut 20-nut aamma immikkut atuartinneqartartut holdit 18-upput, immikkut atuartitsivimmi Multihandikappinilu.
Atuartuutigut immikkut atuartinneqartut annertuumik innarluuteqartunut, multihandikappiusunut ilinniartitsisumik ataatsimik pissarsiorpugut. Immikkut atuartitsineqartunut ilisimasaqarluni siunnersoqatigiillunilu atuartitsineq ingerlanneqartarpoq.
Akullerni aamma nukarlerni ilinniartitsisunik 3-nik oqaatsinik atuartitsisunik faginilu allani piginnaasaqartunik pissarsiorpugut. Atuartitsineq årgangsteamsit suleqatigalugit ingerlavoq.
Ilinniartitsisutut pisussaaffiit:
- Atuartitsinermut pilersaarusiorneq atuartitsinerlu ingerlanneqassapput
- Teamsini suleqataaneq – ineriartortitseqataaneq
- Atuartitseriutsinut nutaanut suleqateqarnikkut atuartut angusaanik qaffassaaneq
- iPad-mik atuartitsinermi atuinissamut ineriartorneq
- Ingerlaavartumik angusaannik nalilersuisarneq
- Atuartut ilikkagassaannik aamma pilersaarutaannik pilersitsisarnissaq nutarterisarnerlu
- Suleqatigiit atuarfiullu ineriartorneranut peqataanissaq
Akissarsiat atorfeqarnermilu atugassarititaasut
Aningaasarsiat suliffeqartitaanerlu, soorlu angalanermi nuunnermilu aningaasartuutit malittarisassat aamma isumaqatigiissutit Naalakkersuisut ilinniartitsisullu kattuffiata IMAK-ip akornanni isumaqatigiissutit atuuttut naapertorlugit pissaaq.
Atorfinitsitaaneq aningaasarsianut isumaqatigiissutinut atugassarititaasut annerusumik naapertorlugit pissaaq.
Qinnuteqartut Kalaallit Nunaanni tjenestemanditut atorfeqareersut, ilinniartitsisutut tjenestemanditut atorfininnissaminnut periarfissaqarput. Tjenestemanditut atorfininneq pissaaq Namminersorlutik Oqartussat Kommuninilu tjenestemandit pillugit Inatsisartut inatsisaat nr. 21 18. december 2003-meersoq tunngavigalugu.
Qinnuteqarfissaq kingulleq: 19. september 2025
Sumiiffik/Pisortaqarfik: Sisimiut, Qeqqata kommunia
Sivisussuseq: Tamakkiisoq
Atorfininnermi ulloq: 1. oktober 2025 imaluunniit isumaqatigiinnikkut
Akissarsiat: Isumaqatigiissutit malillugit
Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni il. il.
Atorfinitsitsineq pissaaq 1. oktober 2025 imaluunniit isumaqatigiinnikkut.
Atorfinnut paasissutissat annertunerusut atuarfimmi pisortaanut Hans C. Jensen-imut oqarasuaat (+299) 86 41 88 Hans C. Jensen: hacj@qeqqata.gl; imaluunniit tullersortaanut, Uvdloriaq Kleist-imut mail: Uvdloriaq Kleist: uvkl@qeqqata.gl
Minngortuunnguup atuarfia: minngoq@qeqqata.gl saaffiginninnikkut pissarsiarineqarsinnaapput. Qinnuteqarfissamut immersugassaq aaneqarsinnaavoq nittartakkami uani: http://www.qeqqata.gl.
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: septembarip 19.-at, 2025