- 334 missaani atuartoqarpoq.
- 40-nillu ilinniartitsisunik aalajangersimasunik atorfimmut akuerisaallutik.
- 1.klassemiit 10. klasse tikillugu 17-nut agguakkanut klasseqarpoq.
- Immikkut annertusisamik atuartinneqartartut klasset 5-pput aammalu AKT-klasset marluk.
Qeqqata Kommuniani meeqqat atuarfiat ukiuni kingullermi ineriartupiloorsimavoq. Ineriartorneq tamanna ingerlaannassaaq ukiuni tulliuttuni, ilinniartitsisussarsiorpugullu nikisitseqataarusuttunik.
2024 ukiaagaa Maniitsoq uddannelseschef-itaarpoq aamma Atuarfik Kilaaseeqqami aqutsisuugallartumik atorfinitsitsivoq. Aqutsisut nutaat ilinniartitsisunut aamma atuartunut atugarissaarnissaq ukkatarivaat, tassuunatigut atuartitsilluarnissamik tunngaviliisuummat.
Atuartut angusarissaarnerulernissaat anguniarneqarmat ilinniartitsisut suleqatigiinnerunissaat ataavartumillu nalilersuisarnissaat malitsigissavaa. Atuartut ullut tamaasa nal. 8 atuariartortarput, kingusinnerpaamillu nal. 13.20 soraartarput. Taamaalilluni pilersaarusiornissamut piffissaqarluartoqassaaq aammalu atuartut soraarfimminni sunngiffimmi piffissaqarnerullutik. Fagini atuartitsineq aallunneqarpoq uku metodet atorlugit: tværfaglig uv., projektorienteret uv, uv. differentiering
Atuarfiup anguniagaqarfigai atuartut allamiut oqaasiinut, matematikkimi pikkorinnerulernissaat aammalu meeqqat inooqataanikkut piginnaasatigullu ingerlariaqqinnissaanut inerisarnissaat.
Taassuma saniatigut Qeqqata Kommuniata anguniagarivaa Meeqqat atuarfiani atuartut allamiut oqaasiinut pitsaasunik angusaqarnissaat atuartullu atuffarissinerunissaat.
Atuarfik Kilaaseeqqap illorsuartaa juli 2027 tungaanut nutarterneqarpoq.
Atuartut sumiiffinnut assigiinngitsunut nuutinneqarnikuupput.
- Nukarliit Maliina-mut, meeqqeriviunikoq.
- Akulliit Majoriaq-mut.
- Angajulliit Minikollegiet-nut nutarteqqammersumut nuussapput.
- Immikkut atuartinneqartartut Aningaaq-mut, Klubbitoqqami.
- Aqutsisut Kommunip allaffeqarfiani.
Trinninut tamanut Atuarfik Kilaaseeqqami ilinniartitsisussarsiorpugut
Nukarlerni ilinniartitsisunik 4-nik amigaateqarpugut:
Fagini tamani ilinniartitsisinnaasumik kiisalu klasselæreriusinnaasoq.
Akullerni ilinniartitsisumik 4-nik pisariaqartitsivugut:
Tuluttut, qallunaatut & matematik atuartitsisinnaasoq amigaatigaarput.
Taakku saniatigut fag-inik allannguisoqarsinnaaffiit ukuupput: Kalaallisut, Inuiaqatigiilerineq, Nunalerineq, Oqaluttuarisaaneq, upperisalerineq isumalioqqissaarnerlu, Inuttut inerikkiartorneq, Assassortarissani, timersorneq aammalu klasselæreriuneq.
Angajullerni ilinniartitsisumik 1-nik pisariaqartitsivugut:
Fysik/Kemi aamma Matematik.
Immikkut atuartitsinermi ilinniartitsisunik 2-nik pisariaqartitsivugut:
Fagini tamani ilinniartitsisinnaasumik kiisalu klasselæreriusinnaasoq.
Maniitsoq ukiuni kingullerni arlalippassuarni aalisarnikkut ingerlalluartuuvoq, tassani kommuni illoqarfimmik takujuminarsaanermik, inissianik sanaartornissanik suliaqartarsimalluni aammalu nutaamik eqqarsarnikkut meeqqeriveqarnikkut sunngiffimmilu sammisassatigut neqeroorutinik suliaqarluni. Maniitsumi makkunuunatigut periarfissaqarluarpoq:
- Meeqqerivinni inissat akitigut appasissut
- Sunngiffimmi susassaqartitsinermut tunngasut
- Sunngiffimmi timersorneq, tassunga ilanngullugit ujakkaarluni sangusaarlunilu sisorarfissaqqissut
- Pinngortitamut pisuttuarneq angallammillu angalaarluni periarfissat pitsaasut
Aningaasarsiat atorfininnermilu atugassarititaasut
Aningaasarsiat suliffeqartitaanerlu, soorlu angalanermi nuunnermilu aningaasartuutit malittarisassat aammalu isumaqatigiissutit Kalaallit Nunaanni Inatsisartut ilinniartitsisullu kattuffiata IMAK-ip akornanni immikkut isumaqatigiissutit atuuttut naapertorlugit pissaaq (takuuk www.imak.gl). Atorfinitsitaaneq inissinneqassaaq minnerpaamik ukiunut pingasunut, periarfissaqarluni sivitsuinissamik, ukiut ataasiakkaarlugit.
Immikkut atugassaqartitaalluni atorfininneq
Atorfininnermi immikkut atugassaqartitaalluni atorfinitsitsineq atorneqassaaq. Qaammatit 12 sulereeraanni ukiut tamaasa frirejse pisassaaq aamma ukiut pingasut qaangiunnerani suliunnaarnermi ajunngitsorsiat (fratrædelsesopsparing) tunniunneqassapput. Åremål naammassinerani ukiut ataasiakkaarlugit sivitsorneqarsinnaapput.
Atorfinitsitsineq pissaaq piaartumik imaluunniit isumaqatigiinnikkut.
Inissaqartitsineq
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqaarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il. il. akiliuteqartoqartassaaq.
Meeqqanik pinerliisimannginnermut uppernarsaat:
Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq, erseqqissaatigineqassaaq.
Pinerlussimannginnermut uppernarsaat:
Atorfik una pinerlussimannginnermik allagartamik paasiniaanissamit inatsimmik pisussaatitaavoq. Inatsit naapertorlugu politiiniit pinerluuteqarsimannginnermut uppernarsaat kommunimit tiguneqareerpat, aatsaat atorfinittoqarsinnaavoq.
Annertunerusumik paasisaqarnerorusukkuit Atuarfimmi pisortaagallartoq Brian Jespersen attavigisinnaavat oqarasuaammut (+299) 817522 imaluunniit e-mail brianj@kilaas.gl
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.