Qeqqata Kommuniata Ilinniartitaanermut Immikkoortortaqarfia arlalinnik akisussaaffeqarpoq. Ilinn. Immikkoortortaqarfiup ilaatigut makku akisussaaffigai; Atuarfeqarfiit, meeqqeriveqarneq, sunngiffimmi ornittakkat, pitsaaliuineq/pinaveersaartitsineq & sunngiffimmi sammisassat, taakkualu ataani illuutit peqatigiiffinnit attartortakkat – Illoqarfimmi nunaqarfinnilu.
Ilinniartitaanermut Immikkoortortaqarfimmisuliassat salliuttagassatillu ukuupput:
- Ulluinnarni allatseqarfimmik ingerlatsinermi peqataaneq suleqataanerlu
- ERP-mi systemimi siullertut akuersissutit
- Ilinniartitaanermut Immikkoortortamut allakkanik isertunik tamanik tigusineq ammaanerlu.
- Suliat eqqortumik immikkoortinnissaannut toqqornissaannullu akisussaaneq.
- Atuarfimmi aallartittunik anisunillu suliaqarneq.
- Billetsinik aamma unnuiffissanik inniminniinermi akisussaaneq
- Angalanermi aningaasartuutinik allattuineq
- Allatseqarfimmik ingerlaavartumik pitsanngorsaaneq ineriartortitsinerlu
- Nutserinerit annikitsut (allakkat – oqaluttaanerit)
- Immikkoortortami aqutsisup peqannginnerani Ilinniartitaanermi Ataatsimiititaliamut allattaaneq.
- Innuttaasunik siunnersortimut aamma sullissisumut eqqortumut ingerlatitseqqiineq
- Illup avataani iluanilu pitsaasumik suleqatigiisitseqataaneq
- Pisariaqartillugu meeqqeriveqarnermut allaffeqarfimmi ikiuunneq.
- Suliassanik takkussuuttunik allaffimmilu suliassanik allanik suliaqarneq
Neqeroorutigissavarput:
- Atorfik ulapaarfiusoq pissanganartorlu
- Ilinniartitaanermut Immikkoortortaqarfimmi suleqatitpiginnaasaqarluartut peqatigalugit ineriartortitseqataaneq.
- Tatigeqatigiiffiusumik pitsaasunik atugaqarluni suleqatigiinneq.
Naatsorsuutigaarput:
- Naleqquttumik allaffissornikkut ilinniagaqartutit
- Ajunngitsumik inunnutisiginnittuusutit, qiimasuullutillu tatiginartutit
- Aalajaatsuusutit/ sulilluartuusutit.
- Marlunnik oqaasilimmik (kalaallisut/danskisut) piumaneruvugut.
Suliffik ulapaarfiuvoq, suleqatigiligassarput piumasaqaatitsinnut tulluuttunik piginnaasalik utaqqisinnaavarput. Ilinniartitaanermut Immikkoortortami sulisut quliuvugut. Ilinn. Immikkoortortaqarfimmi pingaartitatta ilagivaat nuannaarneq, isertuanngissuseq, toqqissisimaneq torersumillu pissuseqarnissaq.
Akissarsiatatorfininnermilu atugassarititaasut:
Atorfinititsinermi Naalakkersuisut aamma SIK isumaqatigiissutaat atuuttut naapertorlugit akissarsiaqartitsisoqarlunilu atorfinitsitsisoqassaaq
Inissaqartitsisoqanngilaq.
Atorfininnissaq pissaaq 1. august 2025, imaluunniit isumaqatigiinnikkut.
Pinerlussimannginnermut uppernarsaat:
Atorfik una pinerlussimannginnermut uppernarsaammik paasiniaanissamut inatsimmi pisussaatitaavoq. Inatsit naapertorlugu pinerluuteqarsimannginnermut uppernarsaat kommunimit tiguneqareerpat aatsaat atorfinittoqarsinnaavoq. Taamaattumik malugeqqussavarput kommunep Politiinit pinerliisimannginnermut uppernarsaat aatsaattiguppagu atorfiniffiusussaq isumaqatigiissutigineqarsinnaammat.
Atorfimmut paasissutissat annertunerusut Ilinniartitaanermut aqutsisoq Tupârnak’ O. Kielsen, oqarasuaat (+299) 86 73 90, e-mail: tukx@qeqqata.gl saaffiginninnikkut pissarsiarineqarsinnaapput.
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: juulip 28.-at, 2025