Meeqqat inuusuttuaqqallu sunngiffimmi ornittagaat Sukorsit
Sisimiuni Meeqqat Inuusuttuaqqallu sunngiffimmi ornittagaanni Sukorsit-ni tullersortitut atorfik inuttassarsiuunneqarpoq.
Sunngiffimmi ornittagaq meeqqanut inuusuttuaqqanullu 2.-10. klassini meeqqat atuarfianni atuartunut aamma 13-21-nut ukiulinnut ulluinnarni unnukkut aammalu ulluni tallimanngorneq arfininngornerlu ammasarpoq, Karl Sivertsenip aqq. 14-mi Nalunnguarfiup qinnguani inissisimalluni. Sunngiffimmi ornittakkap siunertaraa meeqqat inuusuttuaqqallu soqutigisaat qitiutillugit ilusilersueqataalluni immersueqataanissaq.
Suliassat ilaatigut makkuussapput:
- Sunngiffimmi ornittakkap ilusilersorneqarnerani peqataassalluni, minnerunngitsumik perorsaanermut, maligassiuinermullu tungaatigut
- Nalunaartussaatitaaneq, Ernumanermi, isumaalunnermullu tunngasuni
- Kattuffik ”Sukorseq” aallaavigalugit meeqqaanut inuusuttuaqqanullu sineriammiit suleqateqarluni aaqqissuinikkut piviusunngortitsisassalluni
- Amerlasuutigut isumassarsiornikkut sunngiffimmi ornittagaq meeqqanut inuusuttuaqqanullu ornigulluni pilerinartuunissaa sammisassaqartitsinertigut suleqataaffigissallugu.
Piginnaasaqarfiit
- Perorsaasutut assigisaanilluunniit ilinniagaqarsimanissaq.
- Ukiuni arlalinni inunnik sullissinermik assigisaanillu misilittagaqarfigalugu sulereersimanissat
- Namminersorlutit sulisinnaassuseqassallutit, iliuuseqarsinnaallutit piviusunngortitseqataasinnaassallutit, piumassuseqartutit kiisalu tamakkiisumik isiginnissinnaassuseqartutit
- Sulianut assigiinngitsunut sulinermullu eqaatsuunissaq
- Suleqatigiilluarnissamik piginnaasaqartuuneq aamma inuuserissuuneq, unamminartunillu nammassinnaaneq nukissaqarfigissallugu
- Ilikkajasuuneq kiisalu sulinermut nikerartumut ammasuuneq, qarasaasiamik ilisimasaqarneq.
Sukorsini ammasarfiit imaapput:
Ataassinngorn., Sisamanngorn., meeqqat atuarfianni atuartunut (2.-10. kl.) Nal. 10.00 – 16.45
Tallimanngorneq: meeqqat atuarfianni atuartunut (2.-10. kl.) Nal. 10:00 - 16:00
Ataasinng.- sisamanng. inuusuttuaqqanut inuusuttunullu (13-21 ukiullit): Nal. 19.00 – 21.45
Tallimanng. aamma arf. meeqqat atuarfianni atuartunut (2.-10. kl.) qitik: Nal. 16.00 – 18.45
Tall. aamma arf. inuusuttuaqqanut inuusuttunullu (13-21 ukiullit): Nal. 20.00 – 23.45
Pineqaatissinneqarsimannginnermut aammalu meeqqanik pinerliisimannginnermut uppernarsaat:
Atorfik matumani pineqartoq pinerluuteqarsimannginnermut meeqqanillu pinerluuteqarsimannginnermut uppernarsaammik pissarsiniarnissamut pisussaaffeqarneq pillugu inatsimmi ilaatinneqarpoq. Inatsit naapertorlugu kommuni uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit piniarneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissarsiat aamma atorfinitsitaanermut atukkat
Akissarsianut atorfinitsitaanermullu tunngasut atorfininnerup nalaani Namminersorlutik Oqartussat S.I.K. aammalu N.P.K isumaqatigiissutaat naapertorlugit.
Ineqarneq
Atorfininnermut atatillugu inissaqartitsisoqarsinnaavoq, tassunga inimut qularnaveeqqusiissut, inimut akiliut sukkulluunniit inatsisit atuuttut naapertorlugit akilerneqartassallutik, soorluttaaq atorfininnermi - aammalu minnerpaamik ukiut pingasut atorfeqareernerup kingorna atorfimmit soraarnermi angalanermut pigisallu assartornerinut aningaasartuutit sukkulluunniit malittarisassat atuuttut naapertorlugit akilerneqassallutik.
Atorfininneq piaartumik imalt. Isumaqatigiissuteqarnikkut pissaaq.
Atorfik pillugu annertunerusumik paasisaqarusukkuit Imm. Pisortaq Julius Fly sianerfigalugu uunga 864058 iml. e-mailerlutit uunga jufx@qeqqata.gl -mut paasiniaasinnaavutit.
Qinnuteqaat soraarummeersimanermut uppernarsaatinik imalik, oqaaseqaatinik inunnillu unner-suussisinnaasunik imalik ilanngunneqassapput, ulloq killigitinneqartoq qaangiutsinnagu.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: aggustip 7.-at, 2025