Igaffitsinnut inuussutissalerinerup iluani ilinniarsimasumik pissarsiorpugut. Igaffimmiut arfiniliusut suleqatigiit ilagilissavaatsit najugaqartuutitsinnullu 43-sunut nerisassiornermut ilaalissallutit kiisalu inuussutissalerinerup iluani sulianut piginnaasatit atussavagut. Igaffik aammattaaq nerisassanik pajuttugassanik nerisassiortarpoq, illoqarfimmi innuttaasunut utoqqarnut sullissinermi suliassatut suliakkiussaasoq. Ukiuni kingullerni marlussunni Utoqqqaat angerlarsimaffiat annertuumik ineriartorfiunikuuvoq aammalu nerisassanik peqqinnartunik mamartunillu ukkataqarnermi igaffik qitiusumik inissisimanikuuvoq.
Neqeroorutigissavarput:
- Aalajangersimasunik suliffissaqarluni sulinermi atugassarititaasut pitsaasut, sapaatip akunnera allortarlugu sapaatip akunnerita naanarani sulineq
- Unnukkorsiornertaqanngitsoq
- Igaffimmi sulinermi annertuumik sunneeqataaneq
- Timersortarfimmi timigissartarfik akeqanngitsoq
Neriuutigaarput:
- Aalajaatsuusutit akisussaassuseqartutillu
- Suleqatigiinni suleqataallaqqittuusutit
- Inunnik utoqqarnik sullisserusuttuusutit
- Nutaaliorsinnaanermut ammassutit
Utoqqaat angerlarsimaffiat Qupanummi atugarissaarneq inuunerissaarnerlu pingaartippagut. Utoqqaat angerlarsimaffiat QUPANUK pillugu annertunerusumik https://www.qeqqata.gl/emner/borger/familie_pleje_omsorg/aeldre/plejehjem_qupanuk?sc_lang=da-ikkut atuagaqarsinnaavutit.
Pinerlussimannginnermut uppernarsaat:
Atorfik una pinerlussimannginnermik allagartamik paasiniaanissamit inatsimmik pisussaatitaavoq. Inatsit naapertorlugu kommuni pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerluuteqarsimannginnermik allagartaq politiinit tigoreernerata kingorna.
Akissarsiat atorfeqartitaanermullu atugassarititaasut:
Akissarsiat sulinermilu atugassarititaasut Kalaallit Nunaanni Namminersorlutik Oqartussat pineqartullu peqatigiiffiata isumaqatigiinniuteqarsinnaatitaasup akornanni isumaqatigiissutit atuuttut naapertorlugit aaqqinneqassapput.
Qaammatini pingasuni misiligummik atorfinitsitsisoqassaaq.
Ineqarneq
Inissaqartitsisoqanngilaq.
Piaartumik atorfinittoqassaaq.
Atorfik pillugu paasissutissat annertunerusut Utoqqaat angerlarsimaffiani pisortamut, Kori M. S. Kristiansen på tlf.: 86 73 50 eller mail: koms@qeqqata.gl atorlugit saaffiginninnikkut pissarsiarisinnaavatit.
Qinnuteqaat ilinniarsimanermut uppernarsaatinik, imminut ilisaritinnermik oqaaseqaatinnillu ilaligaq nassiunneqassaaq.
Qinnuteqarnissamut killissarititaasoq: juulip 25.-at, 2025