Maniitsumi eqqaanilu meeqqanut inersimasunullu innarluutilinnut tunngatillugu allanngueqataarusussuseqarpit? Suleqatigiit tunniusimasut akornanni suleqataarusuppit? Maniitsumi inunnut innarluutilinnut immikkoortortaq isumaginninnermut siunnersortimik, sullissisumik piaartumik atorfinittussamik ujaarlerput
Atorfik pillugu:
Atorfik immikkoortortaqarfimmiittoq inerisarneqaleruttorpoq, ilaatigut aaqqissuussaanera, sulianut tunngasortai inuttullu tunngasortai eqqarsaatigalugit, matumani inunnik innarluutilinnut immikkoortumi kiffartuussinissaq immikkut qitiutillugu. Suliffiup avataani suliffiullu iluani suleqataasut suleqatigalugit innuttaasunik kiffartuussinermi pitsaassuseq naammassiuminarsaanerlu pingaartinneqarput. Suliffiup avatangiisai pitsaasut naleqartippavut sulisullu suliatigut inuttullu ineriartornissaat eqqarsaatigalugu tapersersuisarluta.
Ilinnut naatsorsuutigisavut:
- Isumaginninnerup tungaatigut pingaartumik inuit innarluutilinnut tunngatillugu inatsisinik ilisimasaqartuusutit
- Innuttaasunik innarluutilinnik sullissinermik misilittagaqartuusutit
- Attaveqaqatigiit kiisalu sulianik sullissisut ataatsimiittarnerinik misilittagaqartuusutit
- Pisuni unamminartulinni malinnaalluarsinnaassasutit
- Sulinermi namminersorsinnaasutit akisussaassuseqarlutillu.
Sulianut tunngasutigut piginnaasat :
- Isumaginninnermi siunnersortitut tassungaluunniit attuumassutilimmut ilinniarsimasuusutit
- Aalajaatsuussaatit, pitsaassutsimik pingaartitsisoq immikkuualuttunullu malussarissoq
- Isumalluartuullutillu ilakkuminartuusutit
- Ulluni ulapaarfiusuni ukkassilluni aaqqissuussaasumillu sulisinnaassuseqartutit
- Allattariarsornikkut oqaluttariarsornikkullu erseqqissumik attaveqallaqqissoq
- Sulinermi namminersorsinnaassasutit akisussaassuseqarlutillu
- Akimortumik suleqatiginnillaqqissuusutit
- Qinnuteqartoq marlunnik oqaaseqartuunissaa (kalaallisut qallunaatullu) kissaatigineqarpoq.
Neqeroorutigaagut:
- Suliffeqarfik ineriartortoq pitsaasunik sulisulik
- Suliffiup imarisaanut sunniuteqarnissaq aaqqissuussaanerullu ineriartortinneqarnerani tunniussaqarnissamut periarfissalik
- Suleqatigiiffiulluartoq qanimut siunnersueqatigiiffiusoq iliuuseqartoqartarnissanullu inissaqartitsiffiusoq.
Pinerluuteqarsimannginnermut aamma meeqqanut pinerliisimannginnermut uppernarsaat:
Atorfik pineqaatissinneqarsimannginnermut uppernarsaammik aamma meeqqanik pinerliisimannginnermut uppernarsaammik piniartarnissamik piumasaqaatitaqarpoq. Atorfinitsitsineq aatsaat uppernarsaatit attuumassuteqartut kommunimit pissarsiarineqareeriarpata pisinnaavoq.
Akissarsiat, atorfinitsitaanermilu atugassarititaasut:
Akissarsiat atorfeqartitaanermilu atugassarititaasut Namminersorlutik Oqartussat, AK-p imaluunniit kattuffiup isumaqatigiinniarsinnaatitaasup susassaqartup akornanni isumaqatigiissut atuuttoq naapertorlugu pissapput. Atorfinitsitsineq qaammatini pingasuni misiliinertaqassaaq. Malittarisassat atuuttut naapertorlugit inissaqartitsisoqassaaq, aamma atorfininnermi soraarniuteqarnermilu angalanissat kiisalu pequtit nuussorneqarnissaat sivikinnerpaamik ukiuni pingasuni atorfeqarnissaq malillugu akiliussisoqassaaq.
Paasissutissat annertunerusut aamma qinnuteqaat:
Paasissutissat annertunerusut immikkoortortaqarfimmi aqutisup Louise O. Kristiansenip (+299) 81 78 58, e-mailiatigut louk@qeqqata.gl imaluunniit fagchefip Dariusz Sobczynskip (+299) 81 78 53, e-mailiatigut daso@qeqqata.gl attaveqarnikkut pissarsiarineqarsinnaapput. Qinnuteqaat pineqaatissinneqarsimannginnermut uppernarsaat, ilinniarsimanermut uppernarsaat sulisitsisorisimasamillu oqaaseqaatit ilanngullugit PDF-filinngorlugit kommunip nittartagaatigut ikkunneqareersimassapput.
Aaliangersimasumik qinnuteqarnissamut killigititaqanngilagut, atorfimmut piukkunnarluartumik nassaarnissarput kissaatigigatsigu. Qinnuteqartut ingerlaavartumik oqaloqatigisassavagut, atorfinittussaq nassaarineqariarpat sulisussarsiorneq naammassineqassaaq. Taamaattumiksukkanerpaamik qinnuteqarnissamut siunnersussavatsigit.