Qeqqata Kommunia Maniitsumi Pisortatigut ikiorsiisarnermi immikkoortortamut Isumaginninnermut siunnersortitut aqutsisumik erninermut atatillugu sulinngiffeqartussamut paarlaasussamik pissarsiorpoq.
Qinnuteqarnissamut killigititaq: 22. april 2025
Sumi/Immikk: Atugarissaarnermut immikkoortortaq
Atorfinitsitseriaaseq: Suliffiusoq ilivitsoq
Atorfininnermi ulloq: 1. Juni 2025 – 01. Maj 2026, isumaqatigiissuteqarnikkulluunniit
Akissarsiat: Isumaqatigiissut atuuttoq naapertorlugu:
Maniitsumi Pisortatigut ikiorsiisarnermi immikkoortortamut Isumaginninnermut siunnersortitut aqutsisumut erninermi paarlatsi
Qeqqata Kommuniani Maniitsumi Pisortatigut ikiorsiisarnermi immikkoortortamut Isumaginninnermut siunnersortitut aqutsisumik sullarissumik piumassuseqarluartumillu pissarsiorpoq.
Atugarissaarnermut immikkoortortami Meeqqanut ilaqutariinnullu immikkoortortamut, Allattoqarfimmut, Utoqqaat siusinaartumillu sulisinnaajunnaarnersiutilinnut aamma innarluutilinnut immikkoortortamut aggulugaallutik, 26-nik sulisoqarpoq. Pisortatigut ikiorsiisarnermi sullissisut, isumaginninnermut siunnersortitut aqutsisoq ilanngullugu pingasuupput.
Suliassat akisussaaffiillu:
- Pisortanit Ikiorsiissutit pillugit Inatsisartut Inatsissaat malillugu suliat ingerlanneqassapput.
- Immikkoortortap sulisoqarnikkut aaqqissuunnerata isumaginissaa aammalu saaffigiinnissutit suliassat allartisarneqarneri, suleriaatsillu inatsisit malillugit ingerlanerisa qulakkeernissaat, kiisalu suliat sulisunut agguataarnerat.
- Pisortanit Ikiorsiissutit pillugu innuttaasunit saaffiginnissutit tigoqqarneri pilersaarusiorneri kommunip ammasarfiit naapertorlugit.
- Pisortat ikiorsiissutaannik immikkoortortami Sullissisut sullissinermini suliassanik ataani pineqartunik malinnitsitisoqarnersoq qulakkiissallugu
- Pisortanit ikiorsiissutinut ikiorserneqarumasut innuttaasunik oqaloqateqarneq
- Pisortanit ikiorsiissutinik pisartagaqartunut iliuusissatut pilersaarusiornerit malitsittinerillu
- Imigassamik ikiaroornartumik piunnguaatinillu il.il. atornerluisut katsorsatikkusuttunut qinnuteqaassussineq
- katsorsartinnerup nalaani, peqqinnissaqarfimmi uninnganerup nalaani kaasarfimmiussat isumagineri
- Akiligassanik akilersuinerit
- Allagaqaassutissanik ikiorserneqarumasunut sullissineq
- Siusinaartumik soraarnerusutisiaqalerniartunut qinnuteqaatit suliarineri
- Angerlarsimaffeqanngitsut unnuisarfianni sulisoqarnikkut aqutsineq suliassanillu atuutsitineq naammassinninnerlu qulakkiissallugu
Naatsorsuutigaarput:
- Pisortanit ikiorsiinermut inatsisinik ilisimasaqartutit.
- ERP/Prisme ilisimasaqarfigigit.
- Kommunimi sullissinermik il.il. misilittagaqassasutit.
- Attaveqaqatigiit kiisalu sulianik sullissisut ataatsimiittarnerinik misilittagaqartuusutit.
- Pisuni ulapaarfiusuni tamanik isiginnissinnaalluartuusutit
Ilinniakkatigut piginnaasat:
- Isumaginninnermi siunnersortitut arlaatigulluunniit isumaginninnermut attuumassuteqartumik ilinniarsimasuusutit.
- Marluinnik oqaaseqartuusutit.
- Oqaatsinik atuinermut allattariasornermullu pitsaasumik piginnaasaqartuusutit.
Inuttut piginnaasat:
- Sullissinermik sungiussisimasuusutit
- Saaffikkuminartuusutit, akuersaartumillu isiginnittariaaseqartuusutit.
- Namminersorlutit akisussaassuseqartumillu sulisinnaasutit
- Aalajaatsuusutit tatiginartuusutillu
- Suliassanut ilisimaarinnittuusutit, pimoorussisuullutillu
- Suleqatikkuminartuullutillu.
Akissarsiat, atorfinitsitaanermilu atugassarititaasut:
Akissarsiat atorfinitsitaanermilu atugassarititaasut isumaqatigissutit sulinermilu isumaqatigiissutit sukkulluunniit atuuttut naapertorlugit inissinneqassapput.
Nunatta iluani qinnuteqartunut angalanermut akiliussisoqassaaq, inissaqartitsisoqaranili.
Piaartumik, isumaqatigiissuteqarnikkulluunniit atorfinitsitsisoqassaaq.
Meeqqanik pinerliisimannginnermut pineqaatissinneqarsimannginnermullu uppernarsaat
Atorfik meeqqanik pinerliisimannginnermut pineqaatissinneqarsimannginnermullu uppernarsaammik piumasaqaateqartussaatitaaneq pillugu, inatsit naapertorlugu uppernarsaammik piumasaqaateqarfiupput. Inatsit naapertorlugu kommuni meeqqanik pinerliisimannginnermut pineqaatissinneqarsimannginnermullu uppernarsaammik aatsaat pissarsereerpat atorfinitsitsisoqarsinnaavoq. Taamaattumik erseqqissaatigineqassaaq, kommunip pineqaatissinneqarsimannginnermut allagartaq politiinit tiguneqareernerata kingorna ulloq atorfiniffissaq aatsaat isumaqatigiissutaasinnaammat,
Atorfik pillugu paasissutissat sukumiinerusut Atugarissaarnermut immikkoortortami Pisortat ikiorsiissutaanni immikkoortortami Aqutisoq Sofie Jeremiassen, oqarasuaat (+299) 81 78 59, e-mail: sjer@qeqqata.gl imaluunniit Atugarissaarnermut stabschef-imut tullersortimut Andrea Karlsen, oqarasuaat (+299) 81 78 62 email: anka@qeqqata.gl atorlugit
saaffiginninnikkut pissarsiarineqarsinnaapput.
Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu imalik nassiunneqassaaq.
Qinnuteqaat uunga nassiunneqassaaq:
Qeqqata Kommunia
Sulisoqarnermut Allaffeqarfik
Postboks 1014
3911 Sisimiut
E-mail: job@qeqqata.gl
Web: www.qeqqata.gl/job
Qinnuteqarnissamut killissarititaasoq: apriilip 22.-at, 2025