Utoqqaat angerlarsimaffiat Qupanuk pillugu
Qupanuk utoqqaat angerlarsimaffiuvoq tulluusimaarutigisaminik ileqqoqartoq aammalu ineriartornissamut annertuumik anguniagalik. 1983-imi sanaartorneqarnermit - 2016-imilu allilerneqarnermit - aalajangersimasumik najugaqartunut 42-nut kiisalu qasuersaarfittut iniusunut marlunnut, paaqqutarinniffinnut, puigortunngortunut matoqqasumullu immikkoortunut agguataarsimasunut inuunerissaarnissamut sinaakkusiinikuuvugut.
Ulluinnarni sammisaqartitsivitsinni nuannarineqarluartumi najugaqartut najukkamilu inuiaqatigiit naapittarput. Tamatuma sanitigut ilinniarfiuvugut, peqqinnissap, perorsaanerup, inuussutissat allaffissornerullu iluani ilinniartunik ilinniartitsisarluta. 2019-imili anguniagaqartumik piginnaanngorsaalluni suliniummik ingerlatsinikuuvugut, tassani sulisut ilinniarsimanngitsut 25-t peqqissaanermut ikiortitut ilinniagaqalersinnikuullugit.
Aqutsisunut, allaffissornermut, paaqqutarinninnermut, sammisaqartitsinermut kiffartuussinermullu agguataarneqarlutik suleqatigiit 60-it sinnerlugit amerlassusillit tunniusimasut peqatigalugit, siunissami utoqqarnik paaqqutarinninnissamut alloriarnissamut piareersimavugut - tassanilu illit pingaaruteqartuussaatit!
Naleqartitat soorlu ataqqinninneq, qanilaarneq, suliamik tulluusimaarutiginninneq nutaanillu pilersitsisinnaaneq aallaavigalugit sulivugut. Qaffasissumik pitsaassuseq, atugarissaarneq aammalu najukkami inuiaqatigiinnik qanimut suleqatigiinneq ukkataraarput.
Aqutsisutut inissisimanissat
Utoqqaat Angerlarsimaffiat Qupanummi aqutsisutut ineriartortuarnitsinnut qitiusumik maligassiuisuussaatit. Qaffasissumik suliamik ilisimaarinninnermik, atugarissaarnermik aammalu sulisut najugaqartullu akunnerminni ataatsimuussuseqarnermik qulakkeerinnissaatit.
๐น aqutsisuussaatit takussaasoq, ersarissoq isumassarsiorfiusoq, sulisunik akuutitsisoq sulinermillu nuannarisaqarnermik nukittorsaasoq
๐น Piginnaasanik inerisaanermik, atugarissaarnermik aammalu inuttut suliatigullu inerisarnissamik inissaqartitsisumik qulakkeerissaatit
๐น Sulisunut, najugaqartunut ilaqutaasunullu toqqissisimanermik pilersitsissaatit
๐น Missingersuutinik aqutsisinnaavutit aammalu politikkikkut aalajangiussanik tigussaasunngorlugit iliuuseqarfigisinnaassavatit
๐น Pitsaassutsinik inerisaanermik aammalu illup avataani suleqatinik, soorlu napparsimmaveqarfik ilinniarfiillu, suleqateqarnermik nukittorsaanermik suliniuteqartarlutit
Kinaavit?
Aqutsisumik misilittagaqarluartumik aammalu utoqqarnut immikkoortortami tunniusimasumik sulinissamut uummateqartumik pissarsiorpugut.
Siammasissumik misilittagaqarluartuusutit, utoqqaat angerlarsimaffiannit imaluunniit peqqinnissaqarfinnit.โ๏ธ
Peqqinnissamut tunngasunut imaluunniit allaffissornermut attuumassutilimmik ilinniagaqarputitโ๏ธ
โ๏ธ Attaveqallaqqissuusutit suliassanut imaannaanngissinnaasunik pilersaarusiornissamut ilusilersuinissamullu piginnaaneqarlutit
โ๏ธ Aaqqissuussami politikkikkut aqunneqartumi ingerlatsisinnaasutit aammalu aningaasaqarnikkut ingerlatsinikkullu tamat isiginnissinnaassuseqarluartutit
โ๏ธ Aaqqiagiinnginnerni iliuuseqarsinnaanermut annertuumik piginnaaneqartutit, atugarissaarnermik pilersitsisinnaasutit kiisalu suliaqarfiit akimorlugit suleqatiginnissinnaassuseqartutit
โ๏ธ Misiginneqataassuseqartutit, tatiginnilersitsisinnaasutit aammalu suliffiup avatangiisiinik ataqqinnissuseqartumik ammasuusumillu pilersitsisinnaassuseqartutit
Neqeroorutigaarput
๐ Suliffeqarfik isumaqarluartoq, ulluinnarni allanngueqataaffigisinnaasat
๐ Suleqatigiit tunniusimasut piginnaaneqartullu tapersersuinissamut piareersimasut
๐ Qeqqata Kommunia aqqutigalugu aqutsisutut ataavartumik ineriartortinneqarneq ilinniaqqinnissamullu periarfissaqarneq
๐ Najugaqartunik, ilaqutaasunik suleqatinillu annertuumik ataatsimooqateqarneq
๐ Suliffigiligassannut peqqissaarussamik ilisaritinneqarneq
Qinnuteqaat piffissaliussatullu pilersaarut
Piukkunnaateqarluartup utaqqinissaa kissaatigalutigu aalajangersimasumik qinnuteqarnissamut piffissaliussaqanngilagut. Piukkunnaateqarlutik qinnuteqartut oqaloqatiginissaannut ataavartumik aggersarneqartassapput, Suleqatissarlu eqqortoq nassaarineqariarpat atorfinitsitsiniarneq unitsinneqassalluni. Taamaattumik qinnuteqaatit piaartumik nassiutissagit innersuussutigissavarput.
Sukumiinerusumik paasisaqarusuppit? Attavigineqarsinnaakutsoortut
- Utoqqarnut Inuit innarluutilinnullu immikkoortortami tullersorti, Annette Eriksen
๐ (+299) 86 74 17 | ๐ง
- Utoqqarnut Inuit innarluutilinnullu Fagchef, Dariusz Sobczynski
๐ (+299) 81 78 53 | ๐ง
Akissarsiat atorfininnermilu atugassarititaasut:
Akissarsiat atorfinitsitaanermullu atugassarititaasut, matumani akiliunneqarluni angalanerit pequtinillu assartuinerit, Allaffissornikkut pisortanut Namminersorlutik Oqartussat Kalaallit Nunaannilu Kommunit ataani atorfilinnut ASG-isumaqatigiissut ยง 2 imm. 1 aamma 2, niveau 3 naapertorlugu inissinneqassapput. Inissaqartitsisoqarsinnaavoq malittarisassat atuuttut naapertorlugit akilerneqartartussamik.
Piumasarineqartutut naammaginartumik pinerlussimannginnermik uppernarsaammik Qeqqata Kommuunianit pissarsisoqareerpat atorfinitsitineq pissaaq.
Qinnuteqaativit tigunissaa qilanaaraarput!
Qinnuteqarnissamut killissarititaasoq: apriilip 22.-at, 2025