Sisimiuni Ilaqutariinnik Kiffartuussivik 2025-mi maajip aallaqqaataanni isumaqatigiissuteqarnikkulluunniit atorfinittussamik tarnip pissusiinik ilisimasalimmik imaluunniit oqaloqatiginnittartumik pissarsiorpoq.
Atorfik/ilaqutariinnik kiffartuussivik pillugu:
Qeqqata Kommuniani Ilaqutariinnik Kiffartuussivik pingaarnertut nalaassinerlunnerit kingunerluutaannik suliaqartarput, soorlu kinguaassiutitigut kanngutsaatsuliorfigitissimanerit, nakuusernerit, sumiginnagaanerit kiisalu imminut toquttoqarsimatillugu. Ilaqutariinnik Kiffartuussiviup suliassaa tassaavoq ilaqutariit tapersersorneqarnissaat qulakkiissallugu, taamatullu pisoqarsimatillugu ingerlariaqqinnissaannik ikiussallugit. Tamatuma saniatigut Ilaqutariinnik Kiffartuussivik pinaversaartitsinernik suliaqarput, matumani ilaqutariit naartulernermiit tapersersorneqartarlutik. Maannakkut miljøarbejderit marluk, isumaginninnermi perorsaasut marluk, angerlarsimaffimmut pulaartartoq ataaseq, isumaginninnermut siunnersorti kiisalu aqutsisoq sulisorineqarput. Akimortumik katsorsaanermillu sammisumik qitiunissamut Ilaqutariinnik Kiffartuussiviup anguniagaa nukittorsarniarlugu, suleqatigiinnut tarnip pissusiinik ilisimasalimmik imaluunniit oqaloqatiginnittartumik pissarsiorpugut.
Tarnip pissusiinik ilisimasalittut/Oqaloqatiginnittartutut suliassatit tassaapput:
- Meeqqat, inuusuttut angajoqqaajusullu sullinneqarnissaat tarnikkut tunngasutigut aaqqissorlugu, ilaqutariillu tamarmiullutik katsorsarneqarnissaannut tamat isiginnittumik aaqqissuunneqarnissaa qulakkeerlugu.
- Oqaloqatigiinnikkut, tarnikkut misissuinerit aammalu meeqqap/inuusuttuaqqap pinnguarnerani misigisimasaanit qanoq misigissutsikkut artorsartigineranik naliliineq.
- Katsorsaanerit ingerlanneqarnerat, matumani attaveqaatitigut/isiginnaarutikkut katsorsaanerup ilaata ingerlanneqarnera.
- Ilaqutariinnik sullissinnermut periutsinik ineriartortitseqataaneq
- Kommunip ikiuigasuartartuini peqataaneq, immikkullu pisoqarsimatillugu tarnikkut ikiueqqaarneq. Tamanna illoqarfinni allani imaluunniit nunaqarfinni pisinnaammat angalanissaq pisinnaavoq.
- Suliamik ilisimasat pillugit sulisunik avitseqateqarneq.
- Ikiuigasuarnissamut pigaartuuneq
- Aappariinnik oqaloqateqartarneq (par terapi)
Neqeroorutigisinnaavagut
- Suliassaqarfiit pingaartumik isumallit, allanngorartut pissanganartullu.
- Nalaassinerlussimanermi tarnikkut kingunerluutit (psykologiske traumer) pillugit itinerusumik ilisimasaqalernissannut periarfissaqassaatit.
·Suliffik ulluinnarsiorpalaartoq qiimasaarfiusorlu.
- Akimortumik suliffik, suliatigut siunnersiueqatigiinneq, ikioqatigiinneq kiisalu ammasumik oqaloqatigiinneq pingaartitaralutigu.
- Ilaqutariinnik Kiffartuussivik annertuumik ineriartortuuvoq - taamaattumik siunissami neqeroorutissanik sulisut ilusilersueqataassapput. Taamaattumik periutsinut atuinissamut annertuumik kiffaanngissuseqarpoq, inunnut ataasiakkaanut eqimattakkaanullu ingerlatsinissamut kiisalu suliniummik ineriartortitsinissamut misilittagaqalernissamik periarfissaqarluni.
Pingaartipparput, ...
- Cand.psych.-itut imaluunniit cand.pæd.psych.-itut ilinniagaqarsimanissat, akuerisatut allagartaqarsinnaanissat, kisianni piumasaqaataanngilaq.
- Saaffigiuminartuunissat, Ilaqutariinnik Kiffartuussivimmullu saaffiginnittartunut tutsuiginassuseqartumik attaviginnissinnaanissat.
- Suleqatit akornanni suliassat tungaatigut assigiinngitsutigut avitseqatigiinnissaq pingaartikkit.
- Nammineersinnaassuseqartutit suleqatigiinnilu suleqataasinnaallutit.
- Marlunnik oqaaseqartuusutit, kalaallisut qallunaatullu, tamannali piumasaqataanngilaq
Akissarsiat atorfinitsitaanermullu atugassarititaasut
Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip meeqqanik pinerliisimannginnermut uppernarsaatip tigunerata kingorna aatsaat atorfinittoqarsinnaavoq.
Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.
Akissarsiat atorfinitsitaanermilu atugassarititaasut Naalakkersuisut kiisalu kattuffik isumaqatigiissuteqarfissarlu akornanni isumaqatigiissutaannut naapertuuttumik pissapput.
Atorfimmut atatillugu inissaqartitsisoqarsinnaavoq, inigisamullu akiliutit qularnaveeqqutillu qaqugukkulluunniit malittarisassat atuuttut malillugit ingerlanneqassapput.
Sukumiinerusumik paasisaqarusuppit?
Atorfik pillugu annertunerusumik paasissutissat Sisimiuni Ilaqutariinnut Kiffartuussivimmi pisortaq Mia Jakobsen-Siegstad, mailikkut: mjsx@qeqqata.gl imaluunniit Fagchef Katrine Davidsen kbbr@qeqqata.gl aamma oqarasuaat: +299 86 60 77 (Ilaqutariinnut kiffartuussivimmut oqarasuaat toqqaannartoq) imaluunniit +299 58 51 77 (sulinermut atatillugu oqarasuaat) attavigisinnaavatit.
Qinnuteqarnissamut killissarititaasoq: apriilip 4.-at, 2025