Atorfininnissaq 1. marts 2025 isumaqatigiissuteqarnikkulluunniit pissaaq.
Ilaqutariinnik Kiffartuussivik:
Ilaqutariinnik Kiffartuussivik Qeqqata Kommuniani Atugarisaarnermut immikkoortortap ataani aaqqissuussaanikkut inissisimavoq. Kiffartuussivimmi neqeroorutigut assigiinngitsut atorlugit meeqqanik, inuusuttunik ilaqutariinnillu tamanik isiginnittumik suliaqarpugut. Ilaatigut tapersersuinermik, siunnersuinermik, angerlarsimaffinnut pulaarnermik aamma suliniutinik pinaveersaataasunik neqerooruteqartarpugut. Piffissami matumani atorfiit akuerisat akuupput: tarnip pissusiinik ilisimasallit marluk, psykoterapeut ataaseq, meeqqat inuusuttullu sumiiffii tikillugit sullissisut marluk, perorsaasut marluk, angerlarsimaffimmi siunnersorti ataaseq, isumaginninnermut siunnersorti ataaseq, aqutsisorlu.
Tarnip pissusiinik ilisimasalittut suliassatit:
- Meeqqat, inuusuttut angajoqqaajusullu tarnikkut sullinneqarnissaat aaqqissorlugu, ilaqutariillu katsorsarneqarnissaannut tamanut isiginnittumik aaqqissuunneqarnissaa qulakkeerlugu
- Ilaqutariinnik innersuussanik oqaoqatiginnittarneq, tassunga ilaallutik meeqqat angajoqqaallu
- Psykologisk screening atorlugu tarnikkut misissuinerit aammalu meeqqap inuusuttuaqqallu pinnguarnerani misigisimasaanit qanoq misigissutsikkut artorsartigineranik misissuineq
- Ilaqutariinnik sullissinnermut periusitsinik ineriartortitseqataaneq
- Kommunip ikiuigasuartartuini peqataaneq, immikkullu pisoqarsimatillugu tarnikkut ikiueqqaarneq. Tamanna Qeqqata Kommuniata iluani illoqarfinni imaluunniit nunaqarfinni pisinnaammat angalanissaq pisinnaavoq
- Suliassanik ataqatigiissaaralunilu agguataarineq
- Tarnikkut ilisimasalittut sulianik ilisimasanillu avitseqatiginninnikkut Qeqqata Kommuniata iluani suliunitini assigiinngitsuni sunniuteqaqataaneq
Neqeroorutigisinnaavarput:
- Suliassaqarfiit pingaaruteqartut, allanngorartut pissanganartullu
- Nalaassinerlussimanermi tarnikkut kingunerluutit (psykologiske traumer) pillugit itinerusumik ilisimasaqalernissannut periarfissaqassaatit
- Suliffik ulluinnarsiorpalaartoq qiimasaarfiusorlu
- Suliassaqartut assigiinngitsut akimortumik suleqatigiiffiat, sulianik avitseqatigiiffiusoq, ikioqatigiinnermik kiisalu ammasumik eqqartueqatigiinnermik pingaartitsiffiusoq
- Ilaqutariinnik Kiffartuusivik annertuumik ineriartortuuvoq - taamaattumik siunissami neqeroorutissanik tarnip pissusiinik ilisimasallit ilusilersueqataassapput. Periutsinut atuinissamut annertuumik kiffaanngissuseqarfiuvoq, inunnut ataasiakkaanut eqimattakkaanullu ingerlatsinissamut kiisalu suliniutinik ineriartortitsinissamut misilittagaqalernissamut periarfissaqarluni
Pingaartipparput illit:
- Cand.psych.-itut ilinniarsimanissat, akuerisatut allagaqartarnissat iluaqutaassaaq, piumasaqaataanngilarli, imaluunniit psykoterapeut-itut ilinniagaqarsimanissat
- Saaffigiuminartuunissat, Ilaqutariinnillu Kiffartuussivimmut saaffiginnittunut tutsuiginassuseqartumik attaviginnissinnaanissat
- Suleqatit akornanni isummat assigiinngitsut inissaqartillugit avitseqatigiittarnissaq pingaartikkit
- Ilaqutariinnik Kiffartuussiviup ineriartortinnissaanut suleqataarusussasutit ilinniakkannillu tunuliaqutarisat atorlugu siunnersortitut atorsinnaanissat nuannrisuussallugu
- Nammineersinnaassuseqartutit suleqatigiinnilu suleqataasinnaallutit
- Marlunnik oqaaseqartuusutit, kalaallisut qallunaatullu, tamannali piumasaqataanngilaq
Akissarsisat atorfinitsitaanermilu atugassarititaasut
Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip meeqqanik pinerlussimannginnermut uppernarsaatip tigunerata kingorna aatsaat atorfinittoqarsinnaavoq.
Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.
Akissarsiat atorfinitsitaanermilu atugassarititaasut Naalakkersuisut kiisalu Dansk Psykologforening akornanni isumaqatigiissutaannut naapertuuttumik pissapput.
Atorfininnermut atatillugu inissaqartitsisoqarsinnaavoq, tassunga inimut qularnaveeqqusiissut, inimut akiliut sukkulluunniit inatsisit atuuttut naapertorlugit akilerneqartassallutik, soorluttaaq atorfininnermi - aammalu minnerpaamik ukiut pingasut atorfeqareernerup kingorna atorfimmit soraarnermi angalanermut pigisallu assartornerinut aningaasartuutit sukkulluunniit malittarisassat atuuttut naapertorlugit akilerneqassallutik.
Paasissutissat pisariallit:
Qinnuteqaat pinerlussimannginnermut uppernarsaammik, meeqqanik pinerlissimannginnermut uppernarsaammik, ilinniakkanut suliffigisimasanullu uppernarsaammik, ilinniarnermut uppernarsaatinik, sulisitsisumit oqaaseqatinik allallu pisariaqarsinnaasut PDF-filitut nassiunneqassapput. Atorfik pillugu paasissutissat annertunerusut, Meeqqanut Ilaqutariinnullu Immikkoortumi Fagchef-ip Katrine B. Davidsen-ip oqarasuaatikkut +299 86 73 89 imaluunniit e-mailikkut: kbbr@qeqqata.gl attavigineratigut pissarsiarineqarsinnaapput.
Qinnuteqarnissamut killissarititaasoq: februaarip 15.-at, 2025