Qeqqata Kommuniani Meeraateqarfik ”AANIKASIK” Perorsaasunik marlunnik sulisussarsiorpoq, meeraaqqerivittaani. 1. Marts 2025 isumaqatigiissuteqarnikkulluunniit sulilertussanik sulisussarsiorpoq.
Meeraateqarfik ”AANIKASIK” meeqqanut 51-inut inissaateqarpoq. Meeqqanut ukioqanngitsuniit tallimanik ukiulinnut ininut sisamanut agguataarneqarsimasunik. Init marluk ukioqanngitsuniit pingasunik ukiulinnut meeraaqqeriviullutik, ini ataaseq 2½-4 ukiulinnut, ini ataaseq 4-5 ukiulinnoortuulluni. Suliffik 15,25 sulisoqarnissaminut inuttaligaavoq, tassani ilaalluni eqqiaasoq.
Atorfimmi atugassarititaasut akisussaaffiillu allattorsimaffiat atuuttoq pigineqarpoq.
Ukuninnga pisinnaasaqassaatit:
- Aalajaatsuussaatit, suleriutsinullu akaarinnittuullutit
- Akisussaassusilik
- Meeqqanik piginnaasamikkut killiffissiuinermik ineriartortitsinermillu
- Angajoqqaanik kinguneqarluartussamik suleqateqarsinnaassaatit
- Suleqatiginnilluartuussaatit
- Naleqartinneqassaaq inuuguit kajumissuseqartoq aamma namminersorsinnaasoq
- Meeraateqarfimmut ineriartornermik kinguneqartitserusuttoq
Aningaasarsiatigut atorfinitsitaanermilu atugassarititaasut:
Akissarsiat atorfeqarnermilu atugassarititaasut pillugit Naalakkersuisut N.P.K.-llu isumaqatigiissutaat atuuttoq naapertorlugu aalajangersarneqassapput. Inissamik innersuussisoqarsinnaavoq taamatullu nuunnermi assartuussisoqarsinnaalluni maleruagassat isumaqatigiissutillu malillugit.
Perorsaasutut atorfinittussamut, ineqartitaanissaq maleruagassat atuuttut akigitinneqartullu malillugit neqeroorutigineqarsinnaavoq.
Piaartumik isumaqatigiissuteqarnikkulluunniit atorfinittoqassaaq.
Meeqqanik pinerliisimannginnermut aammalu pinerlussimannginnermut uppernarsaat:
Atorfiit pineqartut inuttaqalernissaanut piumasarineqarpoq, Qeqqata Kommuneanit aaneqartartumik, meeqqanit pinerliisimannginnermut taamatullu pineqaatissinneqarsimannginnermut uppernarsaammik piniassalluni. Taamaattumik malugeqquneqassaaq atorfininneq pisinnaavoq Rigspoliteeqarfimmiit tamanna naammaginartumik naammassineqarsimappat.
Atorfimmut tunngatillugu paasisaqarnerorusukkuit Grethe Heilmann oqarasuaat (+299) 81 33 75 aamma email aanikasikmaniitsoq@qeqqata.gl atorlugit attavigineqarsinnaavoq.
Qinnuteqaatit, CV, ilinniarsimanermut uppernarsaatinik, oqaaseqaateqarpallu taakku ilanngullugit nassiunneqassapput.
Qinnuteqarnissamut killissarititaasoq: februaarip 14.-at, 2025