Qeqqata Kommuniani Sulisoqarnermut Immikkoortortami pissanganartunik suliassartaqartumi suleqatigiinnut peqataarusuppit? taamaassappatatorfimmik ilinnut inuttassarsiuussivugut. Piaartumikisumaqatigiinnikkulluunniit pimoorussisumik piginnaasa-qarluartumillu suleqatissarsiorpugut.
Qeqqata Kommuniani allaffeqarfimmi suliffeqarfiinilu aqutsisunut, Sulisoqarnermut Immikkoortortaqarfimmit siunnersuisarpugut. Sulliffigissaaneq sullivinnillu nakkutilliisoqarfimmit piumasaqaatit malinneqarnissaannut qulakkeerinnittussaavugut. Allaf-fissuarni sulisut piginnaasamikkut ineriartortuarnissaat aammalu immikkoortortaqarfinni allannguisoqartillugu malinnaasitsinissaq pisariaqarlutik, kiisalu suliffeqarfittut ilinniartoqarnissammik pisussaaffipput isumagisussaallutigu.
Sulisoqarnermut Immikkoortortaqarfimmi suliassat salliuttagassallu ukuupput:
- Suliffigissaanermut tunngassuteqartut
- APV/MTU-mik misissuinerit
- Pikkorissarnermut tunngasut
- Ilinniarnernut tunngasut
- Ilinniartulerineq/ilinniartussarsiorneq
- Mindkey (sulisunut tunngatillugu sullissivik)
- Naleqartitalerineq/anguniagassalerineq
Neqeroorutigissavarput:
- Atorfik suliatigut inuttullu unammillernartunik annertuunik toraagassaqarfiusoq.
- Sulisoqarnermut Immikkoortortaqarfimmi suleqatit piginnaasaqarluartut peqatigalugit ineriartortitseqataaneq.
- Tatigeqatigiiffiusumik pitsaasunik atugaqarluni suleqatigiinneq.
- Ineriartornissamut periarfissat.
Naatsorsuutigaarput:
- Naleqquttumik allaffissornikkut ilinniagaqartutit, suliffigissaanermut ineriartortitsinermullu imaluunniit sulisoqarnermut immikkoortortami misilittagaqartutit.
- Ajunngitsumik inunnut isiginnittuusutit, ilinnullu tatiginnilersitsisinnaassuseqartutit
- Aalajaatsuusutit/ sulilluartuusutit.
- Marluinnik oqaasilimmik (kalaallisut/danskisut) piumaneruvugut.
Suliffik ulapiffiuvoq, suleqatigiligassarput piumasaqaatitsinnut tulluuttunik piginnaasalik utaqqisinnaavarput. Sulisoqarnermut Immikkoortortami sulisut arfineq-marluuvugut, marluk Maniitsumi inissisimallutik, Sisimiunilu tallimat inissisimallutik, illit ilanngullutit.
Sulisoqarnermut immikkoortortaqarfimmi pingaartitatta ilagivaat nuannaarneq, isertuanngissuseq, toqqissisimaneq torersumillu pissuseqarnissaq.
Akissarsiat atorfininnermilu atugassarititaasut:
Akissarsiat sulinermilu atugassarititaasut, matumani akiliunneqarluni angalaneq, pequtillu angallanneri ilanngullugit, Naalakkersuisut aamma Atorfillit Kattuffiata/AK-p akornanni Namminersorlutik Oqartussat Kalaallillu kommuuniisa akornanni sulisunut ingerlatsinermi isumaqatigiissutit naapertorlugit pissaaq.
Inissaqartitsisoqarsinnaavoq, tamatumanilu malittarisassat atuuttut naapertorlugit akiliut-teqartoqartassalluni.
Atorfininnissaq pissaaq 1. januar 2025, imaluunniit isumaqatigiinnikkut. Pinerlussimannginnermut uppernarsaat:
Atorfik una pinerlussimannginnermut uppernarsaammik paasiniaanissamut inatsimmi pisussaatitaavoq. Inatsit naapertorlugu pinerluuteqarsimannginnermut uppernarsaat kommunimit tiguneqareerpat aatsaat atorfinittoqarsinnaavoq. Taamaattumik malugeqqussavarput kommunep Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.
Atorfimmut paasissutissat annertunerusut Sulisoqarnermut pisortamut Mikol Poulsenimut, oqarasuaat (+299) 86 73 27, e-mail: mikn@qeqqata.gl saaffiginninnikkut pissarsiarineqarsinnaapput.
Qinnuteqaat soraarummeersimanernut uppernarsaatit assilinerinik, imminut ilisaritinnermik, CV, oqaaseqaatinik paasiniaavissanillu innersuussanik ilalerlugu nassiunneqassaaq.
Qinnuteqarnissamut killissarititaasoq: decembarip 10.-at, 2024