Sisimiuni Akissarsialerivimmi allaffimmi fuldmægtigimik piaartumik pisariaqartitsivugut, suleqattta ilaat utoqqalilluni suliunnaarmat. Ulluinnarni ulapaartarluta Qeqqata Kommunia tamakkerlugu sullittaraarput. Suliffik avatangiisigissaarpoq pikkorissunik nuannaartunillu ilinnut suleqatiginninnissamik qilanaartunik sulisulik.
Suliassatit tassaassapput:
- Akissarsianik il.il. nalunaarsuineq nakkutilliinerlu.
- Akissarsianik ingerlatitsineq
- Akissarsianut atuiffiit naligiissaarneqarnissaat
- Akiligassaqarfiit naatsorsorneqarnissaat
- Allaffimmi suliaqarnermi suliassanik agguataarinermi suliakkiissutinik suliaqarneq.
Naatsorsuutigaarput:
- NI iluani attuumassutilimmik ilinniarsimasuusutit
- Inunnut isiginnittariaatsit kissalaartuusoq
- Ulapaarfimmi piffissaliussanik pingaartitsisumi sulisinnaasutit
- Marluinnik oqaaseqartuunissat (kalaallisut/danskisut) piumaneqarneruvoq.
Ulapaarpugut, utaqqivatsigilli. Suleqatigiit katillugit arfiniliuvugut, Sisimiuni tallimat Maniitsumilu ataaseq.
Akissarsiat, atorfinitsitaanermilu atugassarititaasut:
Akissarsiat atorfinitsitaanermilu atugassarititaasut atorfinitsitaanerup nalaani Naalakkersuisut, kommunit atorfinittussallu kattuffiata isumaqatigiinniarsinnaatitaasup akornanni isumaqatigiissutit atuuttut naapertorlugit pissapput.
Pinerlussimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu atorfinitsinneqarneq aatsaat pisinnaavoq kommune pinerluuteqarsimannginnermut uppernarsaammik tigusaqarsimappat. Taamaattumik malugeqqussavarput kommunip pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.
Atorfik pillugu paasissutissat annertunerusut akissarsialerivimmi pisortamut Johanne Siegstad oqarasuaat 867340, e-mail josi@qeqqata.gl imaluunniit aningaasaqarnermut pisortaq Peter Munch Eriksen email pmer@qeqqata.gl atorlugit saaffiginninnikkut pissarsiarineqarsinnaapput.
Qinnuteqaat soraarummeersimanermut uppernarsaatinik, imminut ilisaritinnermik, oqaseqaatinik attaveqarfigineqarsinnaanermillu ilaqartinneqartoq nassiunneqassaaq.
Qinnuteqarnissamut killissarititaasoq: decembarip 9.-at, 2024