Pingaartitatta ilagivaat najugaqartut timikkut tarnikkullu imminut ikiorluarnissaanut tapersersornissaat. Najugaqartut tamarmik immikkut sulisumik attaveqaateqarput, ilaqutaasut suleqatigiilluarnissaat anguniagarisaata ilagaat. Qanilaassuseq, tungiuinerlu najugaqartunut pingaartitarisatta ilagimmagu,suleqatigiineq ilinniarsimaneq tunngavigalugu, inuttullu ineriartorusussuseqarneq pingaartitarivarput.
Illit ilaatigut makku suliarisassavatit:
- Najugaqartumik paarsaqarneq, isumassuinerlu
- Najugaqartunut suliassat siunertarineqartut, immikkoortortaqarfitsinni anguniakkat malittarisassallu suliarineqarsimasut qulakkeereqataaffiginissaat
- Oqaloqatigiinnikkut toqqissisimanermik tatigeqatigiinnermillu pilersitsineq
- Najugaqartup pisinnaasai nukittorsaavigissallugit, ataqqinnittumik suleriaaseqarlutit
- Utoqqarnik isumassuinerup iluani ingerlanneqartut naapertorlugit peqataanikkut ineriartortitseqataaffiginissai, soorlu pikkorissaaneq Sygeplejerske-put peqatigalugu ingerlatsinerit
Naatsorsuutigaarput:
- Sundhedsassistentitut ilinniagaqarsimassasutit, iluassooq utoqqarnik, puujortunngortunillu sulineq misilittagaqarfigisimaneq. Taamaangippat ilinniartitsilluarsinnaavugut
- Aalajaatsuusutit suliannullu akisussaassuseqartutit
- Inuit assigiinngissusaanik akuersaartuusutit tulluarsarsinnaasutillu
- Isumassatsialaateqassasutit ingerlatsisinnaassuseqassasutillu
- Suleqateqallaqqissuusutit , oqallinnermilu peqataalluarsinnaasoq
- Suleqatit pikkorissut akornanni suleqataarusunneq, siuarsaaqataarusunnerlu
Neqeroorutigaarput:
Ilitsersorluarneqarnissaq, piffissaq siulleq malittarisaqarlutit.
Suliffimmi ineriartortumi akisussaaqataaneq sunniuteqaqataanerlu pingaartinneqartut.
Suliffik nuannersoq, suleqatit ilinniarsimasut amerlasuut suleqatigiinneq.
Suliffik pissanganartoq assigiinngitsorpassuarnik namminersornartunillu suliassaqarfiusoq.
Suliffik namminersornartorujussuaq, ineriartortitsinissamut periarfissagissaartoq
Utoqqaat angerlarsimaffiat Qupanummi atugarissaarneq inuunerissaarnerlu pingaartippagut. Uagut pilluta uani paasissutissanik annertunerusunik atuarsinnaavutit: https://www.qeqqata.gl/emner/borger/familie_pleje_omsorg/aeldre/plejehjem_qupanuk?sc_lang=da.
Pineqaatissinneqarsimannginnermik uppernarsaat:
Atorfik una pineqaatissinneqarsimannginnermut allagartamik paasiniaanissamut inatsisitigut pisussaatitaavoq. Inatsit naapertorlugu kommuni pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerlussimannginnermik allagartaq politiinit tigoreernerata kingorna.
Akissarsiat atorfeqartitaanermilu atugassarititaasut:
Akissarsiat sulinermilu atugassarititaasut Kalaallit Nunaanni Namminersornerullutik Oqartussat pineqartullu peqatigiiffiata isumaqatigiinniuteqarsinnaatitaasup akornanni isumaqatigiissut atuuttut naapertorlugit aaqqinneqassapput. Ukioq allortarlugu ilinnut ilaqutannullu akiliunneqarluni sulinngiffimmi angalaneq.
Qaammatini pingasuni misiligummik atorfinitsitsisoqassaaq.
Najugaq
Atorfimmut tunngatillugu inissamik pisatsersugaanngitsumik inissaqartitsisoqarsinnaavoq. Malittarisassat atuuttut naapertorlugit inigisamut qularnaveeqqummullu akiliisoqartassaaq. Sisimiuni najugaqariinngikkuit, ilinnut ilaqutannullu pequtinik assartuussineq angalanerlu akilerneqassapput. Atorfininnerup nalaani erngertumik inissamik tuniussisinnaannginnermi inimik pisatsersoreernikumik neqeroorsinnaavugut, atuuttullu malillugit ineqarnermut akiliisoqartassaaq.
Atugarissaarneq aamma Peqqissuseq
Qeqqata kommuniani sulisut illoqarfiup timigissartarfiani akeqanngitsumik atuinissamut neqerorfigitittarput.
Atorfiniffissaq, sukkanerpaamik imaluunniit isumaqatigiissuteqarnikkut.
Atorfinnut sukumiinerusumik paasissutissat illup pisortaa saaffigisinnaavat: Hendrine P. Lund tlf. 867350 mail. hplx@qeqqata.gl
Atorfininnissamut oqaloqatiginninnerit ataavartumiuk ingerlanneqassapput, aammalu atorfik nivingajunnaareeraluarnerani, sulisussaq eqqortoq nassaarinissaata tungaanut. taava qinnuteqaat ilinniarsimanermut uppernarsaatinik, imminut ilisaritinnermik oqaaseqaatinnillu ilaligaq nassiunneqassaaq.
Qinnuteqarnissamut killissarititaasoq: decembarip 9.-at, 2024