Atorfimmut nutaamut Utoqqarnut inunnullu innarluutilinnut immikkoortortami fagchefimik Qeqqata Kommunia pissarsiorpoq.
Utoqqarnut inunnullu innarluutilinnut immikkoortortami fagchefissamut suut naatsorsuutigaagut? Matuma kinguliini paasisaqarnerusinnaavutit:
Utoqqarnut inunnullu innarluutilinnut allanngueqataanissamut aammalu innuttaasunut inatsisitigut isumannaatsuutitsinissamik qulakkeerinissamut fagchefitut kajumissuseqarputit. Taamatullu immikkoortumi suliaqarfiusumik ineriartortitsinissamut aammalu suleqatit pikkorissut qanimut suleqatigalugit suleriutsinik assigiissaarinissamut soqutigisaqartuullutit. Qeqqata Kommuniani Utoqqarnut inunnullu innarluutilinnut immikkoortortami fagchefitut aaqqissuussami politikkikkut aqunneqartumik qanoq suleriaaseqarneranik kiisalu politikkikkut systemip qanoq ingerlariaaseqarneranik ilisimasaqartuuvutit. Utoqqarnut inunnullu innarluutilinnut immikkoortortami suut aalajangiiffigineqarsinnaanersut kiisalu Atugarissaarnermut ataatsimiititaliami imaluunniit Kommunalbestyrelsimi suut aalajangiiffigineqassanersut ilisimasaqarfigaatit. Tamanna inatsisinik ilisimasaqarluarnissamik piumasaqaateqarpoq.
Aqutsisutut sulisunnut maligassiuilluartuussaatit - tamannalu suliatigut ilisimasaqarluarnissamik pingaartitsinissannik, sulisunnut akuuninni ataqqinnittuunissannik aammalu suliatigut aalajangiinissami sulisunik attuumassuteqartunik akuutitsinissannik ilaqarpoq. Kommuni ataatsimoorussamik anguniagaqartoq taamaalillunilu kommunimi immikkoortortanik allanik kiisalu avataani suleqarfiutiminik suliat akimorlugit suleqatigiinnissamik siunniuteqarneranik paasinnittutit. Utoqqarnut inunnullu innarluutilinnut immikkoortortami fagchefitut Qeqqata Kommuniani pisortaaqatigiinnut ilaavutit.
Illit taannaaviit fagchef-itut ujagarput atorfinissinnaasorlu 1. januar 2025 imaluunniit isumaqatigiissuteqarnikkut.
Atorfik pillugu paasissutissat tigussaanerusut tulliuttutigut atuarsinnaavatit:
Qeqqata Kommunia Atugarissaarnermut immikkoortortamik aaqqissuusseqqileruttorneratigut atorfik pilersinneqarpoq - tamatumunnga peqataaffiginnittussaassallutit.
Aaqqissuusseqqinnikkut Qeqqata Kommuniani illoqarfiit marluusuni kiisalu nunaqarfinni arfiniliusuni Utoqqarnut inunnullu innarluutilinnut immikkoortortanik tamanik fagchefi akisussaasuussaaq: Sisimiut, Maniitsoq, Kangerlussuaq, Sarfannguit, Itilleq, Kangaamiut, Napasoq aammalu Atammik.
Utoqqarnut inunnullu innarluutilinnut immikkoortortami Qeqqata Kommuniata allaffeqarfiani sulisunut fagchefitut toqqaannartumik akusussaasuuvutit kiisalu kommunip avataani suliffeqarfinnut utoqqaat angerlarsimaffiinut marluusunut, Sisimiuni Maniitsumilu inissisimasunut, Kangaamiuni utoqqaat angerlarsimaffianut, angerlarsimaffinni ikiorteqarfimmut, najugaqaqatigiiffinnut, najugaqatigiiffinnut, inunnut timikkut tarnikkullu inunnut innarluutilinnut sannavinnut ornittakkanullu toqqaannanngitsumik pingaarnertut akisussaasuullutit. Kommunimi Utoqqarnut inunnullu innarluutilinnut immikkoortortaqarfimmi maannakkut sulisut 402-nik amerlassuseqarput, taakkunanngalu qulit kommunip allaffeqarfiani sulisuullutik. Immikkoortortaq tamarmiusoq 252 mio. koruuninik missingersuuteqarpoq, taakkununngalu pingaarnertut illit akisussaaffigissallugit.
Fagchefitut Atugarissaarnermut pisortaaneq Sisimiuni inissisimasoq qaninnertut pisortarissavat.
Fagchefitut Sisimiuni imaluunniit Maniitsumi najugaqarusunnerlutit nammineq aalajangissavat. Tullersortissat illoqarfiup aappaanut inissinneqarumaarpoq.
Fagchefip pingaarnertut akisussaaffii suliassaalu:
- Atugarissaarnermut pisortaaneq, Meeqqanut ilaqutariinnullu immikkoortortami fagchefip kiisalu stabschef qanimut suleqatigalugit Atugarissaarnermut pingaarnertut periusissiamik atuutilersitsinerup qulakkeernissaa
- Utoqqarnut inunnullu innarluutilinnut immikkoortortamut missingersuutinik nakkutiginninneq aningaasaqarnikkullu sukannersumik aqutsinikkut immikkoortortami missingersuutit aningaasaliissutit iluini atuinissaq qulakkiissallugu
- Utoqqarnut inunnullu innarluutilinnut immikkoortortami sulisut akornanni suliamik ilisimasaqarluarnissaannut tamatumalu nukittorsarneqarnissaanut akisussaasuussaatit
- Atugarissaanermut Ataatsimiititaliamut Kommunalbestyrelsimullu saqqummiussissutiliorneq saqqummiussiissutiliorsimasunullu pitsaassusaaneq qulakkeerinninninneq
- Inatsisit, malittarisassat ilitsersuutillu malinneqarnissaannut qulakkeerinnissaatit kiisalu allaffissornikkut pitsaasumik periuseqarnissamik aammalu allaffissornikkut maleruaqqusanik malitsisisoqarnissaanut qulakkeerinnissaatit
- Politikkerit aammalu allaffissorlutik sulisunut akornanni pitsaasumik suleqatigiinnissanut akisussaaqataaneq aammalu suleqatigisanut allanut
- Utoqqarnut inunnullu innarluutilinnut immikkoortortami sulisut akornanni suliamik ilisimasaqarluarnissaannut tamatumalu nukittorsarneqarnissaanut akisussaasuussaatit
- Kommunip suliffeqarfittut ingerlalluarnissaanik akisussaaqataaneq, aammalu ataqatigiissaarisoqarnissaanik qulakkeerinnninneq akimortumillu immikkoortortaqarfiiit suleqatigiinnissaannut ataatsimut isiginnittumik isiginnittaaseqarnissaq
- Sulisunnut tamanut ersarissunik sammiviliissaatit sinaakkusiissallutillu
- Illoqarfiit nunaqarfiillu akornanni ilisimasanik, suliatigut avitseqatigiittarnissat akimortumik suleqatigiissutiginissaasa qulakkeerinnissaatit
- allaffissuarmi allaffissuullu avataaniitut aalajangiinissanut pingaarutilinnut tullersortit immikkoortortanilu aqutsisut akuutittassavatit
- Aqutsisutigut nakkutiginninnerit ingerlanneqarnissaa kiisalu utoqqaat angerlarsimaffiini, najugaqaqatigiiffinni najugaqatigiiffinnilu najugaqartunik ingerlatsinermut inunnullu sammisunik nakkutilliinermik ingerlatsisoqarnissaanik qulakkeerinninnissaq
- Suleqatigiissitani Atugarissaarnermut immikkoortortamit imaluunniit aqutsisooqatigiinnit pilersitani sunniuteqaqataaneq.
Piumasaqaatit aamma piginnaasat:
- Qaffasissumik ilinniagartuujunermik ilinniagalik imaluunniit allatigut ingerlaqqiffiusumik ilinniagaqartut, soorlu isumaginninnermi siunnersorti
- Pisortaqarfiit iluini aqutsisutut piginnaasaqarlutillu misilittagaqartutit
- Isumaginninnermi tunngasuni inatsisinik ilisimasaqarluartuusutit
- Suliniummi aqutsisuuneq misilittagaqarfigigit
- Aningaasanik aqutsineq misilittagaqarfigigit
- Sulisut avataanilu suleqatinut pitsaasumik suleqatiginissaanut ujartuinermut pikkoriffeqartutit
- Utooqarnut inunnullu innarluutilinnut immikkoortortami anguniagaqartumik, peqqissaarussisumik aammalu eqqarsaatigilluakkamik sulisinnaassuseqartutit
- Suleqatitit nukittut iluatinnartutut isiginnittutit
- Attaveqatigiinnikkut allakkatigut oqaluttariarsornikkullu piginnaasaqarluartutit
- Ulluinnarni ulapaarfiusuni namminersorlutit akisussaassuseqartumilu periuseqarlutit sulisinnaasutit
- Aaqqissuulluakkamik periuseqartutit aammalu killilersuutinit periarfissatut isiginnittaaseqartutit
- Kalaallisut qallunaatullu oqaaseqartuuguit iluaqutaassaq, piumasaqaataanngilarli
- Kalaallit Nunaanni inueqatigiinni pissutsinut kultur-ianullu ilisimasaqarneq iluaqutaassaaq.
Neqeroorutigaagut:
- Suliffeqarfik suleqatigiinnissamik pingaartitsisoq aamma suliatigut inuttullu ineriartornissamut periarfissaqartoq
- Qeqqata Kommuniani Atugarissaarnermut immikkoortortami aaqqissuussanerup ineriartortinnissaanut suliatigut imarisanik sunniuteqaqataanissamut tunniussaqarnissamullu periarfissaqarluartoq
- Suleqatit pitsaasut
- Sisimiuni Maniitsumiluunniit najugaqaraluaraanni pinngortitaq kusanarluinnartoq tikikkuminartoq.
Atorfininneq pissaaq 1. januar 2025 isumaqatigiissuteqarnikkulluunniit
Pineqaatissinneqarsimannginnermut aamma meeqqanut pinerliisimannginnermut uppernarsaat:
Pineqaatissinneqarsimannginnermut uppernarsaammik aamma meeqqanik pinerliisimannginnermut uppernarsaammik piniarnissamik atorfik piumasaqaateqarpoq. Uppernarsaatit attuumassuteqartut kommunimit pissarsiarineqareeriarpata atorfinitsitaaneq aatsaat pisinnaavoq.
Akissarsiat, atorfinitsitaanermilu atugassarititaasut:
Akissarsiat atorfinitsitaanermilu atugassarititaasut Naalakkersuisut aamma Akademikerorganisationer (ataatsimoorussamik pisortanut isumaqatigiissut ulloq 20.10.2020) Qaffasissuseq 2, lønramme 38 isumaqatigiissutaat naapertorlugu isumaqatigiissutigineqassapput. Maleruagassat atuuttut naapertorlugit inissaqartitsisoqassaaq, minnerpaamik ukiut pingasut atorfeqareernermi atorfininnermi soraarnermilu akiliunneqarluni angalaneq pequtinillu assartuineq ilanngunneqassallutik.
Paasissutissat annertunerusut aamma qinnuteqaat:
Annertunerusumik paasissutissat pissarsiariniarlugit Atugarissaarnermut pisortaaneq Paneeraq Olsen oqarasuaatikkut (+299) 86 73 03, e-mail: pnol@qeqqata.gl attavigineqassaaq. Qinnuteqaat pineqaatissinneqarsimannginnermut uppernarsaat, ilinniarsimanermut uppernarsaatit sulisitsisorisimasamillu oqaaseqaatit PDF-filinngorlugit kommunip nittartagaatigut ikkunneqareersimassapput.
Qinnuteqarnissamut killissarititaasoq: novembarip 25.-at, 2024