Atugarissaarnermut immikkoortortaqarfimmi atorfimmut nutaamut Allatseqarfimmut, Aningaasaqarnermut Inatsisilerinermullu stabschefi Qeqqata Kommunia pissarsiorpoq.
Atugarissaarnermut immikkoortortami Allatseqarfimmut, Aningaasaqarnermut Inatsisilerinermullu stabschefip suut naatsorsuutigaagut? Matuma kinguliini paasisaqarnerusinnaavutit
Immikkoortortami aningaasaqarneq ingerlalluaraangat stabschefitut nuannarisarpat. Atugarissarnermut immikkoortortap ataatsimut aningaasaqarneranut tupinnaannartumik tamat isiginnissinnaassuseqarputit. Atugarissaarnermut immikkoortortami inatsisit atuuttunut stabschefitut ilisimasaqarluartuuvutit, Atugarissaarnermut immikkoortortami immikkoortunut allanut inatsisilerinermut siunnersortitut inissisimallutit. Qeqqata Kommuniani Atugarissaarnermut immikkoortortami Allatseqarfimmut, Aningaasaqarnermut Inatsisilerinermullu stabschefip aaqqissuussami politikkikkut aqunneqartumik qanoq suleriaaseqarneranik kiisalu politikkikkut systemip qanoq ingerlariaaseqarneranik ilisimasaqartuuvutit. Immikkoortortanni suut aningaasaqarnikkut inatsisitigullu aalajangiiffigineqarsinnaanersut aammalu Atugarissaarnermut ataatsimiititaliami, Aningaasaqarnermut ataatsimiititaliami imaluunniit Kommunalbestyrelsimi suut politikkikkut aalajangiiffigineqassanersut ilisimasaqarfigaatit.
Aqutsisutut sulisunnut maligassiuilluartuussaatit - tamannalu suliatigut ilisimasaqarluarnissamik pingaartitsinissannik, sulisunnut akuuninni ataqqinnittuunissannik aammalu suliatigut aalajangiinissami sulisunik attuumassuteqartunik akuutitsinissannik ilaqarpoq. Kommuni ataatsimoorussamik anguniagaqartoq taamaalillunilu kommunimi immikkoortortanik allanik kiisalu avataani suleqarfiutiminik suliat akimorlugit suleqatigiinnissamik siunniuteqarneranik paasinnittutit. Allatseqarfimmut, Aningaasaqarnermut Inatsisilerinermullu stabschefitut Qeqqata Kommuniani pisortaaqatatigiinnut ilaavutit.
Illit taannaaviit fagchef-itut ujagarput atorfinissinnaasorlu 1. januar 2025 imaluunniit isumaqatigiissuteqarnikkut.
Atorfik pillugu paasissutissat tigussaanerusut tulliuttutigut atuarsinnaavatit:
Qeqqata Kommunia Atugarissaarnermut immikkoortortamik aaqqissuusseqqileruttorneratigut atorfik pilersinneqarpoq - tamatumunnga peqataaffiginnittussaassallutit.
Aaqqissuusseqqinnerup malitsigisaanik Atugarissaarnermut immikkoortortap aningaasaqarneranik imminullu illersorsinnaasumik ingerlanneqarneranut pingaarnertut tamat isigineqarnissamik stabschefi akisussaasuuvoq. Tamatuma saniatigut Atugarissaarnermut immikkoortortami immikkoortut assigiinngitsut inatsisitigut apeqquteqaatini pisariaqartinneqartutut siunnersiueqatigineqarnissaanik stabschefi qulakkeerinninnissamut akisussaasuussaaq. Aningaasaqarnermut inatsisilerinermullu akisussaanerup saniatigut ikiorsiisarnermut immikkoortortaq stabschefi ataani inissisimavoq.
Nunap immikkoortuisigut Qeqqata Kommuniani Atugarissaarnermut immikkoortortaq kommunimi illoqarfinni marlunnut nunaqarfinnilu arfinilinnut atuuppoq: Sisimiut, Maniitsoq, Kangerlussuaq, Sarfannguit, Itilleq, Kangaamiut, Napasoq aammalu Atammik.
Qeqqata Kommuniani allaffissuarmi allatseqarfimmi ikiorsiissutinik immikkoortortamilu stabschefi pisortatut toqqaannartumik akisussaasuuvutit. Tamatumalu saniatigut kommunip avataani suliffeqarfinni sulisunut, matumani angerlarsimaffeqanngitsut unnuisarfianni qimarnguinnilu sulisunut toqqaannanngitsumik akisussaasuussaatit. Kommunip allaffeqarfiani maannakkut sulisut 14-iupput, kommunillu avataani suliffeqarfinni sulisut qulingiluaallutik.
Stabschefitut Atugarissaarnermut Pisortaaneq Sisimiuni inissisimasoq qaninnertut pisortarissavat.
Stabschefi Sisimiuni imaluunniit Maniitsumi najugaqarusunnerlutit nammineq aalajangissavat. Tullersortissat illoqarfiup aappaanut inissinneqarumaarpoq.
Pisortaanerup sulisuinut pisortap pingaarnertut akisussaaffii suliassaalu:
- Atugarissaarnermut pisortaaneq, Utoqqarnut innarluutilinnullu immikkoortortami fagchefi kiisalu Meeqqanut ilaqutariinnullu immikkoortortami fagchefi qanimut suleqatigalugit Atugarissaarnermut pingaarnertut periusissiamik atuutilersitsinerup qulakkeerneqarnissaa
- Atugarissaarnermut immikkoortortami immikkoortuni assigiinngitsuni aningaasaqarnermut missingersuutinullu nakkutilliineq
- Immikkoortortani sulisut akornanni suliamik ilisimasaqarluarnissaannut tamatumalu nukittorsarneqarnissaanut akisussaasuussaatit
- Atugarissaanermut Ataatsimiititaliamut Kommunalbestyrelsimullu saqqummiussiissutiliorneq saqqummiussiissutiliorsimasunullu pitsaassusaannik qulakkeerinninninneq
- Inatsisit, malittarisassat ilitsersuutillu malinneqarnissaannut qulakkeerinnissaatit kiisalu allaffissornikkut pitsaasumik periuseqarnissamik aammalu allaffissornikkut maleruaqqusanik malitsisisoqarnissaanut qulakkeerinnissaatit
- Politikkerit aammalu allaffissorlutik sulisunut akornanni pitsaasumik suleqatigiinnissanut akisussaaqataaneq aammalu suleqatigisanut allanut
- Atugarissaarnermut immikkoortortamut inatsisit malinneqarnissaanik qulakkeerinnittuussaatit
- Kommunip suliffeqarfittut ingerlalluarnissaanik akisussaaqataaneq, aammalu ataqatigiissaarnissaannut qulakkeerinninneq akimortumillu immikkoortortaqarfiiit suleqatigiinnissaannut ataatsimut isiginnittumik isiginnittaaseqarnissaq
- Sulisunnut ersarissunik sammiviliissaatit, matumanilu tullersortinnut immikkoortoortortanilu aqutsisunut ersarissunik sinaakkusiissallutit
- Tullersortimik immikkoortortanilu aqutsisunut qanimut suleqateqarlutit, illoqarfiit nunaqarfiillu akimorlugit immikkoortortanni suleriutsip assigiissaarnissaanut qulakkeerinnissaatit. Matumani illoqarfiit nunaqarfiillu akimorlugit ilisimasanik avitseqatigiinneq siunnersiueqatigiinnerillu ilanngullugit
- Qitiusumik suliaqarfinni aalajangiinissanut tullersortit immikkoortortanilu aqutsisut akuutittassavatit
- Aqutsisut nakkutilliinermik suliaqarnissaat qulakkiissavat
- Atugarissaarnermut immikkoortortamit aammalu pisortaaqatigiit aqutsisooqatigiinnik suleqatigiinnullu pilersitaanut peqataaneq
Immikkoortortap pingaarnertut akisussaaffii suliassaalu:
- Inatsimmi piumasaqaataasut naapertorlugit innersuussinerit ingerlanneqarnissaanik qulakkeerinninneq.
- Isumaginninnermi tunngasuni inatsisinut inatsisinullu allannut tunngasutigut malinneqarneqarnissaanik qulakkeerinninneq
- Ombudsmand-imut aammalu Isumaginninnikkut Maalaartarfimmut akissutiginqartut inatsisit malilugit akineqarsimanissaannik qulakkeerinninneq
- Isumagininnikkut nakkutilliinerup ingerlanneqarnissaanik qulakkeerinneq
- Atugarissaarnermut immikkoortortaqarfinni tamani akiligassat konto-lernissaat akilerneqarnissaanillu qulakkeerinninneq
- Atugarissaarnermut immikkoortortaqarfimmut tusarniaassutinut inatsisissanullu siunnersuutit akineqarsimanissaannik qulakkeerinninneq
Piumasaqaatit aamma piginnaasat:
- Qaffasitsigisumik ilinniagartuujunermik ilinniagalik, ass. inatsilerinermut, inuussutissarsiuteqarnermut inatsisilerinermut, aningaasaqarnermut assingusumilluunniit
- Pisortaqarfinniit aqutsisutut piginnaasaqarlutillu misilittagaqartutit
- Aningaasanik aqutsinermi ilisimasaqartutit
- Suliniummi aqutsisuuneq misilittagaqarfigigit
- Atugarissaarnermut immikkoortortamut tunngasuni inatsisinik ilisimasaqarluartuusutit
- Atugarissaanermut immikkoortortaqarfimmi stabschefip immikkoortortaani suliassaqarfimmik inerisaanissamut anguniagaqartumik, peqqissaarussisumik aammalu eqqarsaatigilluakkamik sulisinnaassuseqartutit
- Aaqqissuulluakkamik periuseqartutit aammalu killilersuutinit periarfissatut isiginnittaaseqartutit
- Kukkusoqarsinnaaneranik inissaqartitsillutit pitsaasumik suliffimmik avatangiisimik ingerlatitsiinnarsinnaasutit
- Attaveqatigiinnikkut allakkatigut oqaluttariarsornikkullu piginnaasaqarluartutit
- Kalaallisut qallunaatullu oqaaseqartuuguit iluaqutaassaq, piumasaqaataanngilarli
- Kalaallit Nunaanni inueqatigiinni pissutsinut kultur-ianullu ilisimasaqarneq iluaqutaassaaq.
Neqeroorutigaagut:
- Suliffeqarfik suleqatigiinnissamik pingaartitsisoq aamma suliatigut inuttullu ineriartornissamut periarfissaqartoq
- Qeqqata Kommuniani Atugarissaarnermut immikkoortortami aaqqissuussanerup ineriartortinnissaanut suliatigut imarisanik sunniuteqaqataanissamut tunniussaqarnissamullu periarfissaqarluartoq
- Suleqatit pitsaasut
- Sisimiuni Maniitsumiluunniit najugaqaraluaraanni pinngortitaq kusanarluinnartoq tikikkuminartorlu.
Pinerluuteqarsimannginnermut aamma meeqqanut pinerliisimannginnermut uppernarsaat:
Pinerluuteqarsimannginnermut uppernarsaammik aamma meeqqanik pinerliisimannginnermut uppernarsaammik piniartarneq. Uppernarsaatit attuumassuteqartut kommunimit pissarsiarineqareeriarpata atorfinitsitaaneq aatsaat pisinnaavoq.
Akissarsiat, atorfinitsitaanermilu atugassarititaasut:
Akissarsiat atorfinitsitaanermilu atugassarititaasut Naalakkersuisut aamma Akademikerorganisationer (ataatsimoorussamik pisortanut isumaqatigiissut ulloq 20.10.2020) Qaffasissuseq 3, lønramme 36 isumaqatigiissutaat naapertorlugu isumaqatigiissutigineqassapput. Maleruagassat atuuttut naapertorlugit inissaqartitsisoqassaaq, minnerpaamik ukiut pingasut atorfeqareernermi atorfininnermi soraarnermilu akiliunneqarluni angalaneq pequtinillu assartuineq ilanngunneqassallutik.
Paasissutissat annertunerusut aamma qinnuteqaat:
Annertunerusumik paasissutissat pissarsiariniarlugit Atugarissaarnermut pisortaaneq Paneeraq Olsen oqarasuaatikkut (+299) 86 73 03, e-mail: pnol@qeqqata.gl attavigineqassaaq. Qinnuteqaat pineqaatissinneqarsimannginnermut uppernarsaat, ilinniarsimanermut uppernarsaatit sulisitsisorisimasamillu oqaaseqaatit PDF-filinngorlugit kommunip nittartagaatigut ikkunneqassapput.
Qinnuteqarnissamut killissarititaasoq: novembarip 25.-at, 2024