Suliassat akisussaaffiillu:
Atorfik kommunimi ingerlatsinermut immikkoortuni soorlu aqqusinerni, aputaajaanermi, eqqaavilerinermi/anartarfilerinermi, ikuallaavimmi kuuffissuarni il.il ataatsimoortillugit aqutsinermik imaqarpoq kiisalu kommunip ingerlatsinermut immikkoortua aqqusinilerisuni formandimik, ikuallaavimmi aqutsisumik, kalaalimineerniarfimmi aqutsisumik kiisalu illoqarfimmi sulisunik 25 missaaniittunik inuttaqartoq. Allaffissornikkut aqutsineq, aningaasartuutinik aqutsineq, aningaasaqarnermut immikkoortortaqarfik peqatigalugu aningaasartuutissatullu missingersuutit killiffissiortarneri ingerlatsinermi aqutsisup suliassaanut ilaapput.
Atorfik assigiinngitsorpassuartigut unammillernartoqarluni pissanganartoq, ulapaarfiusinnaasorlu, pisortallu ingerlatsinerini periarfissaatillugu iliuuseqarnissamut kiffaanngissuseqarfiulluartoq, piukkunnaateqartumut neqeroorutigineqarpoq.
Atorfimmut tunuliaquttatut ilinniarsimasassatut tunuliaqutaasinnaasut tassaasinnaapput bygningsingeniør, konstruktør allatulllunniit teknikkut ilinniarsimasaq. Sulianut assingusunut ukiualunni misilittagaqarneq, sanasutulli misilittagaqarnissat aamma kissaatigisinnaavarput, tamannali piumasaqaataanngilaq. Assigiinngitsunik suliaqartarluta Immikkoortortaqarfinnguugatta, eqaatsumik sulisinnaanissat pingaaruteqarpoq.
Aningaasarsiat atorfininnermilu atugassarititaasut:
Namminersorlutik Oqartussat aamma atorfinittussap peqatigiiffiata akornanni isumaqatigiissutit naapertorlugit atorfinitsitsisoqarlunilu akissarsiaqartitsisoqassaaq.
Malittarisassat atuuttut naapertorlugit atorfininnermi, suliunnaarnermilu angalanissanut akiliussisoqassaaq, pequtillu assartorneqarneri akilerneqarlutik. Tamatuma saniatigut pisortat attartortittagaanni aalajangersakkat naapertorlugit attartornermut, iserternermullu akiliuteqarfissaasumut inissaqartitsisoqarsinnaavoq.
Atorfik pillugu ersarinnerusumik paasissutissat, allaffissornikkut pisortamut Ulrik Lyberth-imut, oqarasuaat 817840-mut imaluunniit email-imut: ully@qeqqata.gl-imut saaffiginnissuteqarnikkut pissarsiarineqarsinnaapput. Qeqqata Kommunia pillugu paasissutissat, kommunip nittartagaani www.qeqqata.gl-imi pissarsiarineqarsinnaapput.
Allakkatigut qinnuteqaat, soraarummeersimanermik uppernarsaatinik, attaveqaataasinnaasunik, oqaaseqaatinik kiisalu paasissutissaqqissinnaasunik allakkanik ilanngussissaatit.
Qinnuteqarnissamut killissarititaasoq: novembarip 29.-at, 2024