Qeqqata Kommunia Peqqinnermut, peqqinnerulersitsinissamut siuarsaataasunik aamma kulturikkut sunngiffimmi sammisanik ukkataqarpoq. Kommunip sunngiffimmi atortussanik pitsaasunik ullutsinnullu naleqquttunik pilersitsinissaq pingaartitaraa. Nammineq kajumissutsimik suliniartarneq nukittorsarneqassaaq, sumiiffinnilu nukiit atorluarneqarnerussallutik. Illup iluani silamilu timersornikkut, kulturikkullu atugassarititaasut ineriartortinneqartuassapput aammalu sunngiffimmi neqeroorutit ilaatigut Islandimit isumassarsiorluni ukioqatigiiaanut assigiinngitsunoortunik sunngiffjmmi inerikkiartuutaasumik neqeroorutitut allanngortikkiartorneqassapput. Suliniutini taakkunani tamani sunngiffimmi pisortaq perorsaanikkut aqutsisutut, ataqatigiissaarisutut qitiusumik inissisimavoq, aammalu innuttaasut, peqatigiiffiit, suleqatit suliffeqarfiillu taassuma ataaniittut suleqatiginerisigut kommunip anguniagaanut piviusunngortitsissalluni.
Pingaarnertut suliassat akisussaaffiillu tassaassapput
- Ilinniartitaanermut pisortaq qaninnertut pisortaralugu kommunip allaffiani inissisimassaatit tulliuttut akisussaaffigalugit:
- Immikkoortortami pitsaaliuisunut timersornermullu siunnersortimut aqutsinermut pingaarnertut akisussaasuuneq
- Nipilersornermik ilinniarfik Serravik, Sisimiuni sunngiffeqarnermut kulturikkullu neqerooruteqarfik nunaqarfiillu suleqatigalugit sunngiffimmi atuartitsinermut missingersuutinut akisussaaneq kiisalu nakkutilliinissamut akisussaaneq. Taakku tassaapput Sisimiuni nunaqarfiinilu sunngiffimmi klubbit, katersugaasiviit, nipilersornermut ilinniarfiit, sanaluttartut sannaviat, kulturikkut illu Amerdloq atuakkanillu atorniartarfik
- Kulturikkut sunngiffimmilu atugassarititaasut sammisassallu pillugit kommunip ingerlatsinermut isumaqatigiisutaanut nakkutilliinermut akisussaaneq
- Timersornermut aaqqissuussanut tapiissutit
- Kulturikkut nittarsaassisumik suleqateqarneq
- Peqatigiifinnut siunnersuineq
- Kulturikkut, sunngiffimmi timersornermilu aaqqissuinernut aallartitsisuuneq ataqatigiissaarinerlu
- Kulturikkut timersornikkullu tunngasutigut pilerisaarineq
- Immikkoortortami suliniutinik allanillu politikkikkut aalajangigassani saqqummiussassanik kiffartuussineq
Pisinnaasassat piumasaqaatillu:
- Naleqquttumik ilinniagaqarsimassasutit
- Suleqatigiinni sulinissamut nuannarisaqartuussaatit aammalu akimortumik suleqateqarluni piginnaasanik ineriartortitsinissaq ukkataralugu allat peqatigalugit ineriartortitseqataallutit
- Nutaaliorusussuseqartutit allanillu peqateqarlutit perorsaanikkut sammisassanik uummarissaataasunik ineriartortitsinissamut nuannarisaqartuusutit
- Innuttaasunik peqataatitsisinnaanermut, kajumissuseqarnissamut, sulisullu atugarissaarnissaannut aqutsisutut ammasumik inooriaaseqartuusutit
Sisimiut illoqarfiuvoq periarfissaqarluartoq, ilinniarfigissaartoq aammalu meeqqanut paaqqinnittarfinni inissaqartitsinermi periarfissagissaartoq. Illoqarfik pinngortitarsuaq kusanarluinnartoq avatangiiseralugu kulturikkut assigiinngitsunik neqerooruteqarfiuvoq. Pinngortitami qimussernissamut, qamuteralannissamut, sisorartarnissamut, pisuttuarnissamut, imaatigut angalaarnissamut, piniariartarnissamut aalisariartarnissamullu periarfissagissaarpoq.
Akissarsiat atorfinitsitaanermullu atugassarititaasut
Atorfinitsinneqarnermi atugassarititaasunut Namminersorlutik Oqartussat Kalaallit Nunaannilu meeqqat atuarfiini ilinniartitsisut kattuffiat IMAK-ip allallu akornanni Isumaqatigissutaat 27. august 2014-imeersoq aamma Kalaallit Nunaanni Naalakkersuisut aamma IMAK akornanni pingaarnertut isumaqatigiissutitut 28. oktober 1998-imi isumaqatigiissutaat atuupput.
Atorfinittut tjenestemandisut atorfimminiit nuuttut isumaqatigiissutaat malillugu atorfeqartinneqaannassapput
Ineqarneq
Atorfimmut atatillugu inissaqartitsisoqanngilaq.
Meeqqanut innarliisimannginnermut uppernarsaat:
Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq erseqqissaatigineqassaaq.
Pinerlussimannginnermut uppernarsaat:
Atorfik una pinerlussimannginnermik allagartamik paasiniaanissamit inatsimmik pisussaatitaavoq. Inatsit naapertorlugu politiiniit pinerlussimannginnermut uppernarsaat kommunimit tiguneqareerpat, aatsaat atorfinittoqarsinnaavoq.
2024-mi novembarip 15-ianni isumaqatigiissuteqarnikkulluunniit atorfinittoqassaaq.
Atorfik pillugu paasisutissat annertunerusut Ilinniartitaanermut pisortamut Nivi H. Efraimsen, oqarasuaat 86 73 25 imlt. email nhef@qeqqata.gl atorlugit saaffiginninnikkut pissarsiarineqarsinnaapput.
Qinnuteqaat soraarummeersimanermik uppernarsaatinik, imminut ilisaritinnermik, oqaaseqaatinik attavigineqarsinnaasunik pinerlussimannginnermut uppernarsaammik ilaqartinneqartoq nassiunneqassaaq
Qinnuteqarnissamut killissarititaasoq: novembarip 7.-at, 2024