Qeqqata Kommunia Sisimiuni Meeqqanut Ilaqutariinnullu immikkoortortami isumaginninnikkut siunnersortimik/sullissisumik ataatsimik pissarsiorpoq.
Sumi/Immikk.: Sisimiut
Sivisussusaa: Ulloq tamaat atorfik
Ulloq atorfiniffissaq: 1. December 2024 isumaqatigiissuteqarnikkulluunniit.
Akissarsiaqartitaaneq: Isumaqatigiissut atuuttoq naapertorlugu:
Sisimiuni Meeqqanut Ilaqutariinnullu Isumaginninnermi siunnersorti/sullissisoq ataaseq
Qeqqata Kommunia (Sisimiut) Atugarissaarnermut immikkoortortaqarfik, Meeqqanut Ilaqutariinnullu immikkoortortamut isumaginninnikkut siunnersortinik/sullissisunik meeqqanut angerlarsimaffiup avataanut inissinneqarsimasunut sullissisussanik marlunnik pissarsiorpoq.
Atugarissaarnermut immikkoortortami suleqataasut suliamikkut inuttullu ineriartorput, tassani immikkoortut arlallit ukkatarineqarlutik, pingaartumik meeqqanut inuusuttunullu tunngasut. Qeqqata Kommunia meeqqanut inuusuttunullu ukkatarinnittunik suleqatigiissitanik arfineq marlunnik pilersitsinikuuvoq, tassani suleqatigisat attuumassuteqartut tamarmik peqataallutik aammalu taakku illup iluani avataanilu qanittumik suleqatigiillutik. Aammattaaq ilaqutariinnermut immikkoortortami sullissinerup iluani atugassiaasussamik "Qeqqata Kommuniani najoqqutassiaq"-mik taaneqartumik pilersaarummik suliaqartoqarpoq.
Angerlarsimaffiup avataanut inissinneqarsimasut sullinneqarnerini isumaginninnermut siunnersortip pingaarnertut suliassaqarfigissavai inissiinnermi suliassat, siunnersuineq ilitsersuinerlu, inatsit atuuttoq naapertorlugu ikiorsiiniutinik aallartitsineq, iliuusissatut pilersaarusiorneq najuinissamullu isumaqatigiissusiorneq malitseqartitsinerlu, innersuussinerit misissuinerillu, suliat akimorlugit ataatsimiinnerni najuunneq, illup iluani avataanilu suleqatigisanik suleqateqarneq, Immikkoortortami sulianut avitseqatigiinneq, kiisalu suliassat takkussuutut nalinginnaasut.
Naatsorsuutigaarput;
- Isumaginninnermi tunngasuni inatsisinik ilisimasaqartuusutit.
- Kommunimi suliassanik suliaqarnermik il.il. misilittagaqassasutit
- Tunniussimasuullutillu tutsuiginartuusutit
- Akuersaartumik isiginnittariaaseqartuusutit
- Akimortumik suleqatigisanik kiisalu sulianik sullissisut ataatsimiittarnerinik misilittagaqartuusutit
Ilinniakkatigut piginnaasat:
- Isumaginninnermi siunnersortitut arlaatigulluunniit isumaginninnermut attuumassuteqartumik ilinniarsimasuusutit
- Marluinnik oqaaseqartuusutit.
- Oqaatsitigut allattariarsornikkullu piginnaasaqarluartuusutit
Inuttut pisinnaasat:
- sullissinermik sungiusimasaqartutit
- Ilakkuminartuusutit
- Suliamut tunniusimasuusutit aalajaatsuullutillu
- Suleqatikkuminartuusutit
- Tamanik isiginnissinnaalluartuusutit aamma pisuni ulapaarfiusuni
Akissarsiat atorfinitsitaanermilu atugassarititaasut:
Akissarsiat atorfinitsitaanermilu atugassarititaasut isumaqatigissutit sulinermilu isumaqatigiissutit sukkulluunniit atuuttut naapertorlugit inissinneqassapput.
Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni.
Piaartumik atorfinitsiisnissaq pissaaq imaluunniit isumaqatigiinnikkut.
Pineqaatissinneqarsimannginnermik uppernarsaat:
Atorfik una pineqaatissinneqarsimannginnermut allagartamik paasiniaanissamut inatsisitigut pisussaatitaavoq. Inatsit naapertorlugu kommuni pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerlussimannginnermik allagartaq politiinit tigoreernerata kingorna.
Atorfik pillugu paasissutissat sukumiinerusut immikkoortortami aqutsisumut Katrine B. Davidsen oqarasuaat 86 73 89 email: kbbr@qeqqata.gl atorlugit saaffiginninnikkut pissarsiarineqarsinnaapput.
Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik nassiunneqassaaq,
Qinnuteqaat uunga nassiunneqassaaq:
Qeqqata Kommunia
Sulisoqarnermut Allaffeqarfik
Postboks 1014
3911 Sisimiut
E-mail: job@qeqqata gl
Web: www.qeqqata.gl/job
Qinnuteqarnissamut killissarititaasoq: novembarip 6.-at, 2024