Atuilluartuunissamut siunnersorti

Nassaarsiullaqqippit, eqaatsumik periuseqarpit, inissaqartitsivit, arlalinnillu suliaqarsinnaallutit? Maniitsumi stabip iluani Atuilluartuunissamut siunnersortitut atorfik pissanganartoq, attaveqaqatigiinneq aamma sulianik aqutsineq, Qeqqata Kommuniani aqutsineq qitiutillugit suliffik inuttassarsiorparput.

Atuilluartuunissamut siunnersortip ingerlatsivinni ineriartortitsinermilu akimortumik suliniutinik, kiisalu kommunimi suliniutinik pilersitsinissanik qulakkeerinnissaaq.

Suliassat akisussaaffiillu:

• Attaveqarnermut siunnersorti suleqatigalugu, kommunalbestyrelsip ataatsimiittarneranut atatillugu paasissutissiisarnerit, tusagassiutinut nalunaarutit, nittartigassanut suliaqarneq, illoqarfiup aviisianut ilanngutassiorneq, nutaarsiassat, nittartagaq aamma inuit attaveqartarfii
• Attaveqarnermut siunnersorti suleqatigalugu, kommunip nittartagaani facebookkianilu aqutsineq
• Kommunip immikkoortortaani Maniitsumi nunaqarfinnilu nutaarsiassanik ujartuineq, ingerlatitseqqiinerlu
• Illup iluani avataanilu attaveqaqatigiinnerni suliassanik ineriartortitsinermi ikiuunneq aamma suleqatigisanut innuttaasunullu atuilluartuunissakkut eqqarsartariaaseqarnerup ingerlateqqinnissaa
• Aatsitassanut teknikkeqarfimmilu tunngasunik sulianik suliarinninneq
• Aaqqissuussaasumik pilersaarusiorneq aamma akimortumik atuilluartuunissakkut suliniuteqarneq
• Suliamik aqutsinermik aamma ingerlatsinermik pilersitsineq
• Avataani oqartussaqarfiit, kattuffiit suliffeqarfiillu peqatigalugit aaqqissuussat ineriartortitsinermut / suleqatigiinnermut suliniutinut peqataaneq kiisalu pisortaqatigiinnut siunnersueqataaneq
• Kommunip peqqinneq pillugu pilersaarutaani ”Akisussaaqatigiitta – Fællesansvar”-mi suliniutinut aamma suleqatigiinnut peqataaneq
• Najukkami Ataatsimiititaliamut allatsitut kiffartuussineq
• Pisortaanerup sulisui suleqatigalugit suliassat takkussuuttut suliaralugit
• Suliassat takkussuuttut nalinginnaasut

Piginnaasaqarfiit:

• Tusagassiortutut, attaveqaqatigiinnermut imaluunniit attuumassutilimmik ingerlaqqiffiusumik ilinniagaqarsimasuusutit kalaallillu inuiaqatigiivini pissutsinut ilisimasaqartuusutit
• Allatanik aaqqissuussineq, nittartagalerineq, assiliineq videoliornerlu kiisalu ilusilersuineq ilanngullugit attaveqaqatigiinnerup iluani misilittagaqartutit
• Tamanik takunnillaqqissuseqartuusutit, suliassanik aallartitsisinnaassuseqartutit, iliuuseqallaqqissuusutit sungiussiasuusutillu
• Suleqateqallaqqissuusutit avatangiisinillu sunniisinnaassuseqartutit
• Inerisaanermut ineriartortitsinermullu suliniutit misilittagaqarfigissagitit
• Marluinnik kultureqarluni avatangiisilimmi anguniagalimmik sulisinnaassuseqartutit
• Oqaatsitigut allattariarsornikkullu attaveqaqateqallaqqissuusutit
• Kalaallisut ajornanngippallu arlarlinnik qallunaatut aamma tuluttut oqaaseqartuusutit
• Aaqqissuussaanermi politikkikkut aqutaasumi sulinermi ilisimasaqartutit

Akissarsiat atorfininnermilu atugassarititaasut:

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Namminersorlutik Oqartussat kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.

Inissamik innersuussisoqarsinnaavoq malittarisassat sukkulluunniit atuuttut malillugit akilerneqartussamik.

Atorfik allaffissornikkut Maniitsumi inissisimavoq Maniitsumilu Ineriartortitsinermut pisortap ataani inissisimalluni.

Atorfinitsitsinerup ullua, isumaqatigiissuteqarnikkulluunniit

1. oktober 2024 isumaqatigiissuteqarnikkulluunniit sulilertoqassaaq.

Paasissutissat allat

Atorfik pillugu paasissutissat annertunerusut, Maniitsumi ineriartortitsinermut pisortamut Sofie Jessen-imut, oqarasuaat (+299) 81 78 49-imut imaluunniit e-mail: soje@qeqqata.gl-imut saaffiginninnikkut pissarsiarineqarsinnaapput, imaluunniit Sisimiuni pisortaanerup sulisuinut pisortamut Mette Berthelsen Rydbjerg, oqarasuaat (+299) 86 73 02, e-mail: mbbe@qeqqata.gl

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik tigoreersimassavarput.

Qinnuteqaat uunga nassiunneqassaaq:

Qeqqata Kommunia

Sulisoqarnermut immikkoortortaq

Postboks 1014

3911 Sisimiut

E-mail: job@qeqqata.gl

Web: www.qeqqata.gl/job

Pisortaanerup sulisui pillugit

Qeqqata Kommuniani Pisortaanerup sulisui tassaapput; pisortaanerup sulisuinut pisortaq 1, ineriartortitsinermut pisortaq 1, atuilluartuunissamut siunnersortit 3, suliniummut aqutsisoq 1, suliniummut siunnersorti aamma attaveqarnermut siunnersorti 1.

Pisortaanerup sulisui tassaapput Qullersaqarfiup ataani akimortumik suliaqartut. Pisortaanerup sulisui Sisimiuni arfineq-marlunnut Maniitsumilu marlunnut agguataarsimasunut sulisunut qulinngiluanut amerlassusiligaavoq. Pisortaanerup sulisui ingerlatsivinnut ineriartortitsinermillu suliassanik illup iluani avataanilu akimortunik suliaqartuupput. Suliassat ilaat politikkikkut soorluttaaq allaffissornikkut suliassiissutaasarput.

Kommunip iluani sulinermut atatillugu angalasoqartarpoq.

Kommunip nittartagaani www.qeqqata.gl/ansat , kommunimi sulisut assigiinngitsut pillugit atuarsinnaavatit.

Qinnuteqarnissamut killissarititaasoq: septembarip 17.-at, 2024