Overassistent-i ilaatigut allaffissornerup iluani ilinniarsimanissaa, kalaallisut qallunaatullu oqalussinnaallunilu allassinnaanissaa, kiisalu sullissilluarsinnaanissaa kissaatigaarput.
Suliassat akisussaaffiillu:
•Innuttaasut sullissineq
•Inunnik allattorsimaffik pillugu suliassat
•Ineqarnermut tapiissutit pillugit suliassat
•Meeqqanut tapit pillugit suliassat
•Erninermi ullormusiat pillugit suliassat
•Meeqqanut akilersuutit taakkunanngalu sullissinermi suliassat
•Eqqagassalerinermi anartarfilerinermilu nalunaarnerit
•Kommunip karsiani sullissineq
•NEM-ID-nik kiisalu MitID-mik tunniussinerit
•Piniarnermut aalisarnermullu siunnersortip suliassaanik tigusineq, assersuutigalugu piniarnemut allagartat allallu.
Piginnaasat:
•Allaffissornerup iluani ilinniarsimasuusutit
•Akisussaassuseqartutit
•Sullissinermik sungiussisimasuusutit
•Allattariarsornikkut oqaatsitigullu kalaallisut qallunaatullu piginnaasaqartutit.
•Ulapaarfinnilu takunnissinnaassuseqartutit.
•Suliassat eqqarsaatigalugit eqaatsumik suleriaaseqartutit.
•Isumagissaartuusutit.
Akissarsiat atorfininnermilu atugassarititaasut:Akissarsiat atorfinitsitaanermilu atugassarititaasut atorfininnerup nalaani Naalakkersuisut AK-llu akornanni isumaqatigiissutit atuuttut malillugit inissinneqassapput.
Inissaqartitsisoqanngilaq.
Piaartumik, isumaqatigiissuteqarnikkulluunniit atorfinitsitsisoqassaaq.
Atorfimmut sukumiinerusumik paasissutissat immikkoortortami pisortamut Søren Alaufesen-imut oqarasuaat (+299) 86 7370, e-mail: soax@qeqqata.gl atorlugit saaffiginninnikkut pissarsiarineqarsinnaapput.
Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilaligaq nassiunneqassapput.
Qinnuteqarnissamut killissarititaasoq: juulip 16.-at, 2024