Illit suleqatigiinni pinngitsoorneqarsinnaanngitsoq siammasissumik isiginnittaasilik, meeqqap qisuariaataanut tappissoq iliuuseqarusuttorlu, perorsaasunut tapertaalluartoq eqqummaarissoq ineriartortitseqataanissamik siunniussaqartoq, meeqqeriviullu pileqqaarneraniit sunniuteqataasussaq. Illiussaatit perorsaasoq suleqatigiillu allallu suleqatit peqatigalugit meeraq qitiutillugu inerisaarusussuseqartoq.
Qeqqata Kommunia Sisimiuni meeraaqqerivimmi isumaginninnermi ikiortimik tunniusimasumik pikkorissumillu pissarsiorpoq.
Ilinniartitaanermut Immikkoortortap meeqqat alapernaatsut, tatituut, peqqissut nuannaartullu pilersissallugit anguniagaraa. Anguniakkat anguneqarnissaannut illit Isumaginninnermut ikiortitut ilinniarsimasutut naatsorsuutigineqarpoq.
Akuersaartumik perorsaariaaseq, kiisalu meeqqat sammisaqartinneqarnerisingut malungissutsit tallimaasut atorlungit perorsaariaaseq, meeqqanik, angajoqqaanik sulisunillu sunniuteqataaffiusinnaasunik ataatsimiinnernut imaqarluartunut peqataaneq.
Atorfik ulloq naallugu suliffiuvoq, sapaatip akunneranut 40 tiimit suliffigalugit. Meeqqanut 48-inut inissaateqarpoq, ininut sisamanut agguataangaallutik, tamarmik 12-nik meerartaqarlutik.
Meeqqerivik ataasinngornermit tallimanngorneq ilanngullugu nal. 6:45 – 17:00 ammasarpoq.
Sulisunik agguataarineq akisussaaffillu atorfinnut 15,5-inut amerlassusiligaavoq.
Piginnaasassatit:
·Isumaginninnermilu ikiortit assingusumilluunniit ilinniagaqartutit
·Akisussaassusseqartutit
·Eqeersimaartuusutit
·Tunniusimasuusutit, nutaaliornermullu pilersitsisinnaassuseqartutit
·Meeqqat pissusilersuutaannut tappittuusutit tunniusimasorlu
·Ulapaarfimmi ukkassisinnaalluartutit
·Suleqatsikkuminartuusutit qiimasoq, suleqatinnullu tunniusimasoq
·Angajoqqaanut tunniusimasoq oqaloqatigikkuminartorlu.
·Qeqqata Kommuniani meeqqeriviit anguniagaat, meeqqanut inuusuttunullu politikkikkut anguniakkat aammalu sulisunut malittarisassat sinneri aallaavigalugit sulerusussuseqartutit.
Akissarsiat, atorfinitsitaanermilu atugassarititaasut:
Atorfik inissaqartitsinngilaq.
Akissarsiat atorfinitsitaanermilu atugassarititaasut, Kalaallit Nunaanni Kommunit aamma SIK akornanni isumaqatigiissutit malillugit pissapput.
Atorfimmut atatillugu annertunerusumik paasisaqarusukkaanni, Meeraaqqerivimmi pisortaq Ane-Sørine Larsen nukasisimiut@qeqqata.gl oqarasuaat 86 77 21 paasiniaaffingineqarsinnaavoq.
Pineqaatissinneqarsimannginnermut aammalu meeqqanik pinerliisimannginnermut uppernarsaat:
Atorfik matumani pineqartoq pineqaatissinneqarsimannginnermut meeqqanillu pinerliisimannginnermut uppernarsaammik pissarsiniarnissamut pisussaaffeqarneq pillugu inatsimmi ilaatinneqarpoq. Inatsit naapertorlugu kommuni uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit piniarneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Qinnuteqarnissamut piumasaqaatit:
·Ilinniarsimanermut uppernarsaat
·Imminut ilisaritinneq
·Suliffigisimasami oqaaseqaatit attavissallu
·Pikkorissarsimanermut uppernasaatit
Paasissutissat pisariallit:
Qinnuteqaat pinerlussimannginnermut, meeqqanullu pinerlissimannginnermut uppernarsaammik, ilinniakkanut suliffigisimasanullu oqaaseqaatinik, ilinniarnermut uppernarsaatinik, sulisitsisumit oqaaseqatinik allanillu ilalik nassiunneqassapput.
Qinnuteqarnissamut killissarititaasoq: aggustip 19.-at, 2024