Qinnuteqarnissamut killissarititaasoq:
30. juni 2024
Sumiiffik/imm.:
Maniitsoq
Sivisussusaa:
Ulloq naallugu suliffik
Ulloq atorfinitsitaaffissaq:
1.August.2024 aallaqqaataanni isumaqatigiissuteqarnikkulluunniit
Akissarsiat:
Isumaqatigiissutit naapertorlugit
Atuarfik Kilaaseeraq atuarfiuvoq maannamut ukiunilu tulliuttuni atuarfissuup iluani atuarfeeqqanut aggulutaq. Atuarfeeqqat alloriarfikkaarlutik illoqarfiup iluani inissisimapput.
Atuartunik ineriartortitsinermik siunertaqarluni ingerlatsiffiusoq.
Sulisoqarnikkut assigiinngitsunik ilinniagalinnik inooqataanikkullu nukittuunik sulisoqartoq, imminut tapersersoqatigiiffiulluartoq.
Klassinut atuartunulluunniit atuagarsornikkut isumaginninnikkulluunniit pisariaqartitsisunut kivitsinissamut iluaqutissat sukkasuumik atulernissaanut, atuarfik atuagarsornikkut atuartunut sulisunullu tapersersuinissamik eqqumaariffeqarpoq. Atuarfik suleqatigiinnikkut anersaaqarluni aammalu atuartut ineriartornerinut ukkataqarluni ineriartorpoq.
Atuarfik Kilaaseeqqap atuarfia atuarfiuvoq marlunnik sammivilik klassinut 20-nut 1.-10. klassinut agguataarsimasunik 344 miss. atuartulik kiisalu immikkut atuartitsiviit 7-nut).
Atuarfik nutarsarnissaa peqqutaalluni maanna atuarfeeqqanik sisamanik immikkoortunik atuartitsiveqarpoq.
Atuarfik ilinniartitsisunik tamakiisumik atorfeqartunik 34-nik sulisoqarpoq kiisalu isumaginninnermut siunnersorti, allaffimmioq, IT-lerisoq, pedelit 3-sut, ulloq naallugu atuarfimmi (heldagsskolemi) sulisut 14-nit. Atuarfik nukittuunik misilittagartuunillu aqutsisoqarpoq tassaasut trinlederit, atuarfip pisortaata tullersortaagallartoq kiisalu atuarfiup pisortarigallangaa.
Suliassat:
·Sulisunik aqutseqataaneq, sulisunik ineriartortitseqataaneq allaffissornerlu.
·Atuarfiup perorsaanikkut ilikkarnartumillu periuseqarneranik ineriartortitsinermut akisussaaqataaneq.
·Atuarfik atuarfiup angerlarsimaffiullu akornanni pitsaasumik suleqatigiinnissaanik qulakkeerinneqataaneq.
·Atuarfik Kilaaseeqqap Atuarfia pingaarnertut atuarfittut nunaqarfinni atuarfinnut, Atammik, Napasoq aamma Kangaamiut siunnersuinermik imaajaanissamillu qulakkeerinneqataaneq.
·Nakkutilleeqataaneq.
·Atuarfik Kilaaseeraq ataaniittunik illunik nakkutilleeqataaneq, isumannaallisaaneq ilanngullugu.
·Atuarfiup siulersuisuinut kommunalbestyrelsimullu atuarfiup ingerlanneqarnera pillugu akisussaaqataaneq.
·Atuarfinni pisortat ataatsimiinneranni peqataaneq.
Inuttut piginnaasatigullu tullinnguuttut pingaartippagut:
Ilinniartitsisutut ilinniarsimasuuvutit. Aqutsinermik misilittagaqarlutit.
Suliffik uummateqarfigalugu soqutigalugulu suliffigerusuppat.
Unammillersinnaanissat aammalu ajornakusoortunik eqqortunillu aalajangiinissamut tatitussuseqarnissat pingaartuuvoq. Allattariarsornikkut oqalunnikkullu annertuumik attaveqarsinnaassuseqartutit. Pitsaasumik misissuisinnaanermik, aaqqissuussinermik ingerlariaatsinik piginnaasaqartutit takunnissinnaannermillu pilersitsisinnaassuseqartutit. Qanoq ilinikkut tusarnaarnissamut, unammillernissamut, suliakkiinissamut malinnaanissamullu maluginnissinnaassuseqartutit. Atuarfimmi immikkoortunut agguataagaasumi pitsaasumik attavimmik pilersitsisinnaasutit.
Suleqatinut tusarnaarsinnaaneq siunnersuisinnaanerlu pigissagit.
Suleqatiginnillaqqissuusutit qiimasuusutillu. Ammasuusutit aqutseriaatsikkullu ersarissuusutit.
Ilinnut neqeroorutigisinnaasavut:
·Pinngortitamiissinnaanermut periarfissaqarluartoq, aasami ukiumilu pisuttuarfissalik, sangusaarluni aamma ujakkaarluni sisorarfissalik, snescootererfissalik kiisalu piniarfik aamma aalisarfilik.
·Atorfik pissanganartoq piginnaasat ineriartorfissallit kiisalu kommunimi atuarfiit pisortai allat peqatigalugit avitseqatigiissinnaaneq
Qeqqata Kommuniani atuarfiit pillugit annertunerusumik uani atuarit
Akissarsiat atorfininnermilu atugassarititaasut
Akissarsiat atorfinitsitaanermilu atugassarititaasut, matumani akiliunneqarluni angalasinnaatitaanerit pequtillu assartorneqarnissaat ilanngullugit, Naalakkersuisut aamma ilinniartitsisut kattuffiat IMAK-ip akornanni qaqugukkulluunniit isumaqatigiissutit atuuttut naapertorlugit inissinneqassapput. Naalakkersuisut aamma Kalaallit Nunaanni kommunini tjenestemænd-it naapertorlugit, atorfinitsitaaneq ukiuni aalajangersimasuni atorfinitsitaanermut immikkut pissutsit naapertorlugit pissaaq. Atorfinitsitaanermi aammattaaq Naalakkersuisut IMAK-illu akornanni isumaqatigiissutit atuuttut imaluunniit Naalakkersuisut IMAK-illu akornanni akissaatinut isumaqatigiissutaat malinneqassapput.
Qaammatini aqqaneq-marlunnik atorfeqareernermi akiliunneqarluni angalatitsisoqarsinnaalissaaq.
Meeqqanik pinerliisimannginnermut uppernarsaat:
Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip meeqqanik pinerlussimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq, erseqqissaatigineqassaaq.
Meeqqanik pinerliisimannginnermut uppernarsaammik aamma pinerlussimannginnermut uppernarsaammik Qeqqata Kommunianit pissarsiariniarneqartumik naammaginartumik peqartoq atorfinitsinneqassaaq.
Inissaqartitsisoqarsinnaavoq, malittarisassallu atuuttut naapertorlugit akiliuteqartoqartassalluni.
1.august.2024-mi aallaqqaataanni isumaqatigiissuteqarnikkulluunniit atorfinittoqassaaq.
Qinnuteqaat ilinnniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalerlugu, nassiunneqassapput.
Attaveqarfissaq:
Atorfik pillugu apeqqutissaqartoqarpat Ilinniartitaanermut pisortaq Nivi Heilmann Efraimsen oqarasuaatikkut (+299) 86 73 25 attavigineqarsinnaavoq
nhef@qeqqata.gl
Qinnuteqarnissamut killissarititaasoq: juulip 9.-at, 2024