Perorsaasut pisariaqartitagut tassaapput meeqqanut tunniusimasut, qanilaarnermik tatiginninnermillu takutitsisinnaasut, angajoqqaanut tunniusimalluni oqaloqatiginnilluarsinnaasut, meeraq qitiutillugu sulerusussuseqartut. Ilissiussaaq suleqatigiinni pinngitsoorneqarsinnaanngitsut siammasissumik isiginnittaasillit, meeqqap qisuariaataanut tappissut iliuuseqarusuttullu, aqutsisunut tapertaalluartut, eqqummaarissut ineriartortitseqataanissamik siunniussaqartut, meeqqerivimmullu sunniuteqataasussat. Ilissiussaaq pisortaq pisortamullu tullersortimut qanimut suleqatiginnissinnaasut pisariaqarfinnilu illup iluani akisussaaffimmik tigusisinnaasut, suleqatit allallu peqatigalugit meeraq qitiutillugu inerisaarusussuseqartut.
Akuleriisillugu meeqqerivik Naja/Aleqa illoqarfiup kujasissortaani inissisimavoq.
Ilinniartitaanermut Immikkoortortap meeqqat alapernaatsut, tatituut, peqqissut nuannaartullu pilersissallugit anguniagaraa. Anguniakkat anguneqarnissaannut illit perorsaasutut ilinniarsimasutut naatsorsuutigineqarputit.
Atorfik ullormut akunnerit arfineq pingasuni suliffiuvoq, sapaatip akunneranut 40 tiimit suliffigalugit. Meeqqerivik meeqqanut 44-inut, meeqqerivittaani 20-nut meeraaqqerivittaanilu 24-nut inissaqarpoq.
Meeqqerivik ataasinngornermit tallimanngorneq ilanngullugu nal. 6:45 – 17:00 ammasarpoq.
Sulisunik agguataarineq akisussaaffillu atorfinnut 11-nut amerlassusiligaavoq.
Suliassat akisussaaffiillu:
Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut inatsisaat nr. 62, 20. november 2023-meersoq malinnissaanut akisussaaqataassaatit, tamatuma saniatigut Qeqqata Kommunea-ta nittartagaani meeqqanut inuusuttunullu politikkia, kiisalu FN-p meeqqanut isumaqatigiissutaat aallaavigalugit sulissallutit.
Piginnaasat:
Perorsaasutut ilinniagalik
Meeqqeriveqarnermut tunngasunut misilittagaqartuussaatit
Susassaqaqatigiit peqatigalugit sulisinnaassaatit
Inatsisinik ilisimaarinnissasutit
Angajoqqaanik oqaloqateqarsinnaasoq
Ilinnut naatsorsuutigaarput:
·Perorsaasutut Ilinniagaqartuusutit
·Meeqqerivitsialak ilisimaqarfigissagit
·Meeqqap ineriartorneranut tunngatillugu angajoqqaanik oqaloqateqartarsinnaasutit
·Pilersaarusiorsinnaasutit sulianillu agguataarisinnaasutit
·Nutaanik pilersitsisinnaassuseqartutit
·Suliannut tunngatillugu tamakkerlugu isiginnillaqqissusutit
·Suliffinnut patajaatsuusutit/tunniusimasuusutit
·Suliannut akisussaassuseqartumik sulisinnaassasutit
·Nuannaartoq/uummaarissoq ammasorlu
·Kalaallisut qallunaatullu oqaatsit piginnaasaqarfigissagitit
·IT/qarasaasiamut piginnaasaqarnissat
·Suliniutinut nutaanut eqqummaarinnissaq
·Akuersaartumik perorsaanermi isiginnittariaaseqassasutit
·Ulapaarnermi eqqissillutit sulisinnaasutit
·Meeqqat immikkut pisariaqartitaannik eqqummaariffeqassasutit
·Piffissamik ataqqinnittuusutit
Neqeroorutigissavarput:
·Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Naalakkersuisut kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.
·Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni.
·Sulisut angajoqqaallu akornanni suleqatigiinneq pitsaasoq.
·Akeqanngitsumik timersortarfimmi timigissarsinnaanermut neqeroorut.
·Sulernermi atugassarititaasut pitsaasut.
·Isumassarsianut/siunnersuutinut nutaanut ammasuuneq.
Akissarsiat, atorfinitsitaanermilu atugassarititaasut:
Atorfik inissaqartitsinngilaq
Akissarsiat atorfinitsitaanermilu atugassarititaasut, Kalaallit Nunaanni Kommunit aamma Nunatsinni perorsaasut kattuffiat, NPK, akornanni isumaqatigiissutit malillugit pissapput.
Atorfimmut atatillugu annertunerusumik paasisaqarusukkaanni, Meeqqerivimmi aqutsisoq Martha Lyberth Jensen attavigineqarsinnaavoq uunga: 86 30 82 imaluunniit Meeqqeriveqarnermut allaffimmi pisortaq Navarana Lennert 86 74 02.
Pineqaatissinneqarsimannginnermut aammalu meeqqanik pinerliisimannginnermut uppernarsaat:
Atorfik matumani pineqartoq pineqaatissinneqarsimannginnermut meeqqanillu pinerliisimannginnermut uppernarsaammik pissarsiniarnissamut pisussaaffeqarneq pillugu inatsimmi ilaatinneqarpoq. Inatsit naapertorlugu kommuni uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit piniarneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Qinnuteqarnissamut piumasaqaatit:
·Ilinniarsimanermut uppernarsaat
·Imminut ilisaritinneq
·Suliffigisimasami oqaaseqaatit attavissallu
·Pikkorissarsimanermut uppernasaatit
Paasissutissat pisariallit:
Qinnuteqaat pinerlussimannginnermut, meeqqanullu pinerlissimannginnermut uppernarsaammik, ilinniakkanut suliffigisimasanullu oqaaseqaatinik, ilinniarnermut uppernarsaatinik, sulisitsisumit oqaaseqatinik allanillu PDF-filimut immiussanik ilallugu nassiunneqassapput.
Qinnuteqarnissamut killissarititaasoq: juulip 17.-at, 2024