Isumaginninnermi ikiorti pisariaqartitarput tassaavoq meeqqanut tunniusimasoq, qanilaarnermik tatiginninnermillu takutitsisinnaasoq, angajoqqaanut tunniusimalluni oqaloqatiginnilluarsinnaasoq, meeraq qitiutillugu sulerusussuseqartoq. Illiussaaq suleqatigiinni pinngitsoorneqarsinnaanngitsoq, siammasissumik isiginnittaasilik, meeqqap qisuariaataanut tappissoq iliuuseqarusuttorlu, perorsaasunut tapertaalluarsinnaasoq, eqqummaarissoq, ineriartortitseqataanissamik siunniussaqartoq, meeqqerivimmullu sunniuteqataasussaq. Illiussaaq perorsaasut suleqatillu allat peqatigalugit meeraq qitiutillugu inerisaarusussuseqartoq.
Akuleriisillugu meeqqerivik Naja/Aleqa illoqarfiup kujasissortaani inissisimavoq.
Ilinniartitaanermut Immikkoortortap meeqqat alapernaatsut, tatituut, peqqissut nuannaartullu pilersissallugit anguniagaraa. Anguniakkat anguneqarnissaannut illit Isumaginninnermi ikiortitut ilinniarsimasutut naatsorsuutigineqarputit.
Atorfik ullormut akunnerit arfineq pingasut suliffiuvoq, sapaatip akunneranut 40 tiimit suliffigalugit. Meeqqerivik meeqqanut 44-inut, meeqqerivimmi 20-nut meeraaqqerivittaanilu 24-nut inissaqarpoq.
Meeqqerivik ataasinngornermit tallimanngorneq ilanngullugu nal. 6:45 – 17:00 ammasarpoq.
Sulisunik agguataarineq akisussaaffillu atorfinnut 11-nut amerlassusiligaavoq.
Suliassat akisussaaffiillu:
Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut inatsisaat nr. 62, 20. november 2023-meersoq malinnissaanut akisussaaqataassaatit, tamatuma saniatigut Qeqqata Kommunea-ta nittartagaani meeqqanut inuusuttunullu politikkia, kiisalu FN-p meeqqanut isumaqatigiissutaat aallaavigalugit sulissallutit.
Piginnaasassatit:
·Isumaginninnermi ikiortitut assingusumilluunniit ilinniagalik
·Akisussaassussilik piffissamillu ataqqinnittoq
·Eqeersimaartoq
·Tunniusimasoq, nutaaliornermillu pilersitsisinnaassusilik
·Meeqqat pissusilersuutaannut tappittoq tunniusimasorlu
·Ulapaarfimmi ukkassisinnaalluartoq
·Suleqatikkuminartoq qiimasoq suliffimmullu tunniusimasoq
·Angajoqqaanut tunniusimasoq oqaloqatikkuminartorlu
·Qeqqata Kommuniani meeqqeriviit anguniagaat, meeqqanut inuusuttunullu politikkikkut anguniakkat aammalu sulisunut malittarisassat sinneri aallaavigalugit sulerusussuseqartoq.
Akissarsiat, atorfinitsitaanermilu atugassarititaasut:
Atorfik inissaqartitsinngilaq.
Akissarsiat atorfinitsitaanermilu atugassarititaasut, Kalaallit Nunaanni Kommunit aamma SIK akornanni isumaqatigiissutit malillugit pissapput.
Atorfimmut atatillugu annertunerusumik paasisaqarusukkaanni, Meeqqerivimmi aqutsisoq Martha Lyberth Jensen attavigineqarsinnaavoq uunga: 86 30 82 imaluunniit Meeqqeriveqarnermut allaffimmi pisortaq Navarana Lennert 86 74 02.
Pineqaatissinneqarsimannginnermut aammalu meeqqanik pinerliisimannginnermut uppernarsaat:
Atorfik matumani pineqartoq pineqaatissinneqarsimannginnermut meeqqanillu pinerliisimannginnermut uppernarsaammik pissarsiniarnissamut pisussaaffeqarneq pillugu inatsimmi ilaatinneqarpoq. Inatsit naapertorlugu kommuni uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit piniarneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Qinnuteqarnissamut piumasaqaatit:
·Ilinniarsimanermut uppernarsaat
·Imminut ilisaritinneq
·Suliffigisimasami oqaaseqaatit attavissallu
·Pikkorissarsimanermut uppernasaatit
Paasissutissat pisariallit:
Qinnuteqaat pinerlussimannginnermut, meeqqanullu pinerlissimannginnermut uppernarsaammik, ilinniakkanut suliffigisimasanullu oqaaseqaatinik, ilinniarnermut uppernarsaatinik, sulisitsisumit oqaaseqatinik allanillu PDF-filimut immiussanik ilallugu nassiunneqassapput.
Qinnuteqarnissamut killissarititaasoq: juulip 17.-at, 2024