Qeqqata Kommunia ukiuni kingullerni ”Inuunerissaarneq – det gode liv” suliniuteqarfiginikuuaa. Tassunga atatillugu Sisimiuni allaffeqartunik timigissaasoqatigiinnik pilersitsisoqarnikuuvoq, tassani pillorissaasutut atorfik napparsimmavimmit kommunimiillu avinneqarnikoq kiisalu illoqarfimmi timimik sungiusaasoq attuumassuteqarlutik, timimik sungiusaasup aappaa suleqatigalugu suleqatigiinnut ilaassaatit.
Utoqqaat angerlarsimaffiat najugaqartunut 42-nut aammalu qasuersaartumut ataatsimut inissaateqarpoq. Init paaqqutarisarialinnut, puigortunngortunut aammalu asseqqasumik immikkoortumik agguataagaapput.
Pingaarnertut suliaqarfissat tassaassaaq utoqqaat angerlarsimaffiani inuummarissarfik aammalu timip unittuunnginnissaanut sungiusarfik.
Utoqqaat angerlarsimaffiani aqutsisooqatigiit qanimut suleqatigissavatit aammalu suliani ingerlasuni sullissisunik, angerlarsimaffimmi ikiortinik angerlarsimaffimmilu peqqissaasumik innersuussinermi ataatsimiinnernut peqataasassallutit. Tamatuma saniatigut napparsimmavimmi Pissassarfimmilu timigissaasoqatigiinnik suleqateqartoqassalluni.
Suliassat:
·Najugaqartunik innuttaasunillu misissuinerit, naliliinerit katsorsaanerillu
·Timip unittuunnginnissaanut sungiusarneq, ataasiakkaarinikkut holdikkaartumillu.
·Ikiuutinik nalilersuineq, ikiuutit pillugit sullissineq, ikiuutinik piniarneq atukkiussinerlu
·Sulisut sinneri suleqatigalugit najugaqartut nammineernerusinnaanerisa annertusarnissaanik suliniuteqarneq
·Allaffissornikkut suliassat
Pingaartipparput illit:
·Najugaqartunik aammalu qanigisaasunik attaveqarluartuullutillu timimik sungiusaanermik ingerlatitseeqqissinnaalluartutit aammalu innarluutillit utoqqaallu immikkoortuinut misigissusilimmik soqutiginnittuusutit
·Namminersorlutit suliaqarsinnaasutit, suliffissannillu ilusilersuisinnaallutit pilersaarusiorsinnaassasutit.
·Isumassarsiullaqqissuusutit, pimoorussisoq, iliuuseqarusussuseqartoq suliatigullu inissilluarsimasutit
·Kulturini assigiinngitsuniissinnaasutit
·Sungiussiasoq aamma allanngueriaannaassusilik
·” Inuunerissaarneq – det gode liv” pillugu kommunip takorluugaanik piviusunngortitseqataanissamut sapiissuseqartutit
·Marluinnik oqaaseqartuuguit pitsaaqutaassaaq, piumasaqaataanngilarli
Neqeroorutigaagut:
·Ilinniartinneqarneq pitsaasoq aammalu ilinniartinneqarnermi aalajangersimasumik attaveqaatissaq.
·Suliffik pissanganartoq unammilligassanut periarfissaqarluartoq
·Sunneeqataasinnaaneq, ulluinnarnilu namminersorluni sulinissamut periarfissaqarluartoq namminerlu ullormut suliassanut pilersaarusiorsinnaasoq.
·Illoqarfimmi timimik sungiusaasut allat isumasioqatigisinnaaneranik periarfissaqartoq
·Suliatigut pikkorissarsinnaaneq illoqarfiup iluani avataanilu pikkorissarnerni
·Suleqatit pitsaasut, qiimasut imminnullu isumassoqatigiittut.
https://qeqqata.gl/emner/borger/familie_pleje_omsorg/aeldre/plejehjem_qupanuk?sc_lang=da
Pineqaatissinneqarsimannginnermut aammalu meeqqanik pinerliisimannginnermut uppernarsaat:
Inatsimmik naapertuuttumik pineqaatissinneqarsimannginnermik meeqqanillu pinerliisimannginnermik uppernarsaammik pissarsinissamik atorfik una piumasaqaatitaqarpoq. Pineqaatissinneqarsimannginnermut uppernarsaammik akuerisaasumik kommuni pissarsereerpat atorfinitsitsinissaq aatsaat aallartinneqassaaq.
Akissarsiat atorfeqartitaanermullu atugassarititaasut:
Akissarsiaqarnermi atorfeqartitaanermilu atugassarititaasut Naalakkersuisut aamma timimik sungiussaasut akornanni isumaqatigiissutit atuuttut naapertorlugit aaqqinneqassapput. Isumaqatigiissut uani takujuk.
Ukioq allortarlugu ilinnut ilaqutannullu akiliunneqarluni sulinngiffimmi angalaneq.
Ukiut marluk atorfeqareernermi PPK pikkorissarnermut aningaasaateqarfiatigoortumik ilinniaqqittoqarsinnaavoq.
Ukiut pingasut sinnerlugit atorfeqarsimagaanni suliunnaarnermi billetsi pequtillu assartorneqarneri akilerneqassapput.
Qaammatini pingasuni misiligummik atorfinitsitsisoqassaaq.
Ineqarneq:
Suliffimmut atatillugu pequsersugaanngitsumik inissaqartitsisoqarsinnaavoq. Malittarisassat atuuttut malillugit ineqarnermut akiliut qularnaveeqqullu akilerneqassapput. Atorfininnermi ilinnut ilaquttannullu pequtit assartorneqarnerannut angalanermullu akiliuteqartoqassaaq. Atorfininnermi sulisunut inissiamik atugassaqartitsisoqarsinnaanngippat, inigigallagassamik pequsersukkamik utaqqiisaasumik neqerooruteqartoqassaaq, tassani ineqarnermut akiliuteqartoqartassalluni.
Atugarissaarneq aamma Peqqissuseq
Qeqqata Kommuniani sulisut illoqarfiup timigissartarfiani akeqanngitsumik atuinissamut neqeroorfigitittarput.
Piaartumik isumaqatigiissuteqarnikkulluunniit atorfinittoqassaaq.
Oqaloqatiginninnerit ingerlaavartumik ingerlanneqassapput suleqatiginiagarlu eqqortoq pissarsiarineqarpat sulisussarsiorluni allagarsiussaq peerneqassaaq. Qinnuteqartoq eqqortuuvit, taava imminut ilisaritinnerit, attaveqarfissat qinnuteqaallu naatsoq ajornanngippat ullumikkut nassiutereeruk.
Atorfik pillugu paasissutissat allat pissarsiariniarlugit Utoqqaat angerlarsimaffiani pisortaq Peter Mattaaq uunga oqa. +299 867350 mail pema@qeqqata.gl saaffiginninnikkut pissarsiarineqarsinnaavoq.
Qinnuteqarnissamut killissarititaasoq: juulip 9.-at, 2024