Qeqqata Kommunia ukiuni kingullerni ”Inuunerissaarneq – det gode liv” suliniuteqarfiginikuuaa. Tassunga atatillugu Sisimiuni allaffeqartunik timigissaasoqarfimmik pilersitsisoqarpoq, pillorissaasumik suliffeqarfinnit marlunnit atorfeqartinneqartumik timimillu sungiusaasumik sulisoqarluni.
Sisimiut 5.600 missaanik innuttaasoqarpoq. Sisimiut pingasunik nunaqarfeqarpoq: Kangerlussuaq, Sarfannguit aamma Itilleq.
Qeqqata Kommuniani timimik sungiusaasutut atorfimmi ineriartornermik sammisaqarfiusumi ilaalissaatit atorfiullu ineriartortinneqarneranut peqataanissat tunniussaqarnissallu kiisalu akimortumik suleqatigisanik suleqateqarnissat naatsorsuutigineqarpoq. Kommunimi pillorissaasumik aammalu Atugarissaarnermut Immikkoortortami aqutsisunik sullisisunillu, utoqqaat angerlarsimaffiannik, angerlarsimaffimmi ikiortinik kiisalu nutserisunik qanimut suleqateqassaatit. Tamatuma saniatigut napparsimmavimmi Pissassarfimmilu timigissaasoqatigiinnik suleqateqartoqassalluni.
Sapaatip akunneranut suliffiusartoq: 40 tiimit
Suliassat:
·Innuttaasunik misissuinerit, naliliinerit katsorsaanerillu
·Innuttaasut toqukkut qimaguttussat ilanngullugit artornartumik innuttaasunik ingerlatsineq, ikiuutinik ataqatigiissaarineq tunniussisarnerlu.
·Ataavartitsisussamik sungiusarneq, ataasiakkaarinikkut holdikaartumillu.
·Ikiuutinik nalilersuineq, ikiuutit pillugit sullissineq, ikiuutinik pisineq atukkiussinerlu
·Innuttaasut namminneq angerlarsimaffimminni nammineersinnaassusaat nukittorsarlugu
·Innuttaasut timimikkut aamma /immaqaluunniit tarnimikkut innarluutillit nukiisa tamakkiisumik atortissinnaalernissaat namminnerlu piumasaqaataat naapertorlugu eqeersimaartumik inuuneqarnissaat
·Innuttasunik, qanigisaasunik akimortumillu suleqatigiinnik ataatsimeeqateqartarneq
·Allaffissornikkut suliassat
Pingaartipparput illit:
·Innarluutilinnut utoqqarnullu tunngasunut soqutigisaqarluartuusutit
·Kommunimi timimik sungiusaasutut suliaqarnermi misilittagaqarnissat
·Namminersorlutit suliaqarsinnaasutit, suliffissannillu ilusilersuisinnaallutit pilersaarusiorsinnaassasutit.
·Akimortumik sulialinnik suleqateqartarnermik misilittagaqarluartutit
·Isumassarsiullaqqissuusutit, pimoorussisoq, iliuuseqarusussuseqartoq suliatigullu inissilluarsimasutit
·Kulturini assigiinngitsuniissinnaasutit
·Tamatigoortuusutit, pissutsinilu allanngorartuartumi allanngornissamut piareersimasuusutit
·” Inuunerissaarneq – det gode liv” pillugu kommunip takorluugaanik piviusunngortitseqataanissamut sapiissuseqartutit
·Marluinnik oqaaseqartuuguit pitsaaqutaassaaq, piumasaqaataanngilarli
Neqeroorutigaagut:
·Ilinniartinneqarneq pitsaasoq aammalu ilinniartinneqarnermi aalajangersimasumik attaveqaatissaq.
·Suliffik namminersorsinnaanermi unammilligassanut periarfissaqarluartoq
·Sunneeqataasinnaaneq, ulluinnarnilu namminersorluni sulinissamut periarfissaqarluartoq namminerlu ullormut suliassanut pilersaarusiorsinnaasoq.
·Illoqarfimmi timimik sungiusaasut allat isumasioqatigisinnaaneranik periarfissaqartoq
·Suliatigut pikkorissarsinnaaneq illoqarfiup iluani avataanilu pikkorissarnerni
·Suleqatit pitsaasut, qiimasut imminnullu isumassoqatigiittut.
Pineqaatissinneqarsimannginnermut aammalu meeqqanik pinerliisimannginnermut uppernarsaat:
Inatsimmik naapertuuttumik pineqaatissinneqarsimannginnermik meeqqanillu pinerliisimannginnermik uppernarsaammik pissarsinissamik atorfik una piumasaqaatitaqarpoq. Pineqaatissinneqarsimannginnermut uppernarsaamik akuerisaaasumik kommunip pissarsereerpat atorfinitsitsinissaq aatsaat aallartinneqassaaq.
Akissarsiat atorfeqartitaanermullu atugassarititaasut:
Akissarsiaqarnermi atorfeqartitaanermilu atugassarititaasut Naalakkersuisut aamma timimik sungiussaasut akornanni isumaqatigiissutit atuuttut naapertorlugit aaqqinneqassapput. Isumaqatigiissut uani takujuk.
Ukioq allortarlugu ilinnut ilaqutannullu akiliunneqarluni sulinngiffimmi angalaneq.
Ukiut marluk atorfeqareernermi PPK pikkorissarnermut aningaasaateqarfiatigoortumik ilinniaqqittoqarsinnaavoq.
Ukiut pingasut sinnerlugit atorfeqarsimagaanni suliunnaarnermi billetsi pequtillu assartorneqarneri akilerneqassapput.
Qaammatini pingasuni misiligummik atorfinitsitsisoqassaaq.
Ineqarneq:
Suliffimmut atatillugu pequsersugaanngitsumik inissaqartitsisoqarsinnaavoq. Malittarisassat atuuttut malillugit ineqarnermut akiliut qularnaveeqqullu akilerneqassapput. Atorfininnermi ilinnut ilaquttannullu pequtit assartorneqarnerannut angalanermullu akiliuteqartoqassaaq. Atorfininnermi sulisunut inissiamik atugassaqartitsisoqarsinnaanngippat, inigigallagassamik pequsersukkamik utaqqiisaasumik neqerooruteqartoqassaaq, tassani ineqarnermut akiliuteqartoqartassalluni.
Atugarissaarneq aamma Peqqissuseq
Qeqqata Kommuniani sulisut illoqarfiup timigissartarfiani akeqanngitsumik atuinissamut neqeroorfigitittarput.
Piaartumik isumaqatigiissuteqarnikkulluunniit atorfinittoqassaaq.
Oqaloqatiginninnerit ingerlaavartumik ingerlanneqassapput suleqatiginiagarlu eqqortoq pissarsiarineqarpat sulisussarsiorluni allagarsiussaq peerneqassaaq. Qinnuteqartoq eqqortuuvit, taava imminut ilisaritinnerit, attaveqarfissat qinnuteqaallu eqqortoq naatsoq ajornanngippat ullumikkut nassiutereeruk.
Atorfik pillugu paasissutissat annertunerusut Utoqqaat Angerlarsimaffiata Pisortaa saaffigisinnaavat Peter Mattaaq Tlf. +299 867350 mail: pema@qeqqata.gl
Qinnuteqarnissamut killissarititaasoq: juulip 9.-at, 2024