Utoqqarnut aammalu Innarluutilinnut immikkoortup meeqqat inersimasullu innarluutillit, siusinaartumik pensionisiallit aammalu utoqqalinersiallit sullitarivai. Innuttaasunut siunnersuinikkut aammalu ikiorsiinikkut sullissineq ingerlanneqarpoq innarluutillit aammalu siusinaartumik utoqqalinersiaqartunullu inatsisit atuuttut tunngavigalugit. Qinnuteqaatit utoqqaat innarluutillillu pisinnaanerusut inissiaannut, Utoqqaat illuanut innersuussinerit, angerlarsimaffimmi ikiortit allaffiannut suliakkiinerit sullissisunit ingerlanneqartarput.
Aqutsisup akisussaaffiinut ilaapput pensionsudvalg-ip ingerlannissaa aammalu visitationsudvalg-ip ingerlanneqarneranut, kiisalu suliat pitsaassusissaat qulakkeerniarlugit nakkutiginninneq politikkikkut suliat naammassinnginneranni
Utoqqarnut & Innarluutilinnullu immikkkoortoq atorfinnut arfineq marlunnut amerlassusiligaavoq immikkoortumi aqutsisoq ilanngullugu
Atugarissaarnermjut immikkoortortaq Utoqqarnut & Innarluutilinnullu immikkoortumik, Meeqqanut & Ilaqutariinnut immikkoortumik, Pisortanik ikiorsiisarnermut immikkoortumik Allatseqarfimmillu immikkoortoqarpoq, taakkua saniatigut Utoqqaat Illuat, Angerlarsimaffimmi ikiorteqarnermut allaffik, Ilaqutariit Kiffartuussiviat kiisalu Innarluutillit Najugaqatigiiffiat Pisoq immikkortortaqarpoq
Pisortamut tullersorti Atugarissaarnermullu pisortaq ilanngullugit, Atugarissaarnermut immikkoortortaq sulisunut 30-nut amerlassusiligaavoq.
Utoqqarnut & Innarluutilinnullu immikkoortup annertunerusumik Pisoq, Meeqqanut & Ilaqutariinnullu immikkoortortaq, Pisortanik ikiorsiissutilerisut immikkoortortaat, Majoriaq, Peqqinnissaqarfik, Utoqqaat Angerlarsimaffiat, aammalu Angerlarsimaffimmik ikiorteqartitsiviup allaffiat qanimut suleqatigisarpai.
Taassuma saniatigut Atugarissaarnermut immikkoortortaq tamakkerlugu suliat pillugit ataatsimeeqatgiittarnermik aammalu nunaqarfiit allaffiinik ataatsimeeqateqartarnernik qanimut suleqatigiittoqarpoq.
Suliassat akisussaaffiillu tassaapput:
·Innarluutilinnut immikkoortumi oqartussaassuseqarnikkut sullissineq tamakkiisoq
·Inniminniinermik ingerlatsivimmik aqutsineq
·Akimortumik suleqatigiinneq
·Sulianut atatillugu apeqqutinut sullissisunik isumasioqateqarneq
·Suleriaatsip ineriartortinnissaa pitsanngorsarnissaalu
·Innarluutilinnut utoqqarnullu immikkoortortaqarfiup aningaasaqarneranik aqutsineq
·Naatsorsueqqissaarnerit pensionisialinnut aningaasartuutit pillugit
·Naatsorsueqqissaarnerit ulloq unnuarlu akiliuteqartarnerit pillugit
·Aqutsisutut nakkutilliineq sulianut
·Aningaasaqarnikkut malinnaaneq nalilersuinerillu, aammalu aningaasartuutissanut siunnersuusiornerit
·Atugarissaarnermut immikkoortortami utoqqarnut innarluutilinnut immikkoortortaqarfimmi pingaartillugu ineriartortitsinermut peqataaneq
Naatsorsuutigaarput:
- Inunnik isumaginninnermut siunnersortitut imaluunniit isumaginninnermut tunngasunik ilinniakkamik allamik ilinniagaqartuusutit
- pinerluuteqarsimanngitsutit
- ammasuusutit aqutseriaatsikkullu ersarissuusutit
- siusinnerusukkut suliffigisimasannit aqutsinermik misilittagaqartutit, piumasaqaataanngilarli
- Aalajangiinissamut pikkoriffeqartuusutit
- Sulisunik kajumissaarillaqqissuusutit
- Kommuunit missingersuutaannik naatsorsuutaannillu aqutsinermik ilisimasaqartuusutit
- Politikkikkut aqunneqartumik suliffeqarfimmi sulinermik ilisimasaqarlutillu misilittagaqartuusutit
Neqeroorutigaarput:
- Suliffissannik ilisarititsineq
- Suliffik pissanganartoq unammillernartorlu
- Suliffeqarfik uummaarissoq ulluinnarni unammillernartorpassualik
- suleqatit aqutsisooqatillu pitsaasut arlaqartut
- Illup avataani iluanilu suleqateqarneq
- Piginnaasannik ataavartumik ineriartortitsineq
- Innarluutilinnut immikkoortumi ineriartornermut sunniuteqarnissamik periarfissaqartitsineq
- Angerlarsimaffinni ikiorteqarfik ingerlalluartoq
- immikkoortortani aqutsisoqatit pitsaasut
- Suliassat pissanganartut, assigiinngitsut namminersorfiusullu
Utoqqarnut Innarluutilinnullu immikkoortortaqarfimmi aqutsisoq Atugarissaarnermut immikkoortortami pisortamut qaninnertut attaveqassaaq.
Akissarsianut atorfinitsitaanermilu atugassarititaasut
Akissarsiat atorfinitsitaanermilu atugassarititaasut isumaqatigiissutit sukkulluunniit atuuttut malillugit aaqqinneqassapput.
Inissaqartitsisoqarsinnaavoq, malittarisassallu atuuttut naapertorlugit akilersorneqassalluni.
2024-imi juunip aallaqqaataani imaluunniit isumaqatigiissuteqarnikkut atorfinittoqassaaq.
Pinerliisimannginnermut uppernarsaat:
Atorfik taanna meeqqanut pinerluttulerinermullu pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.
Atorfik pillugu paasissutissat sukumiinerusut Atugarissaarnermut pisortamut Estella Buhrkall-imut oqarasuaat (+299) 867431, e-mail: esbu@qeqqata.gl saaffiginninnikkut pissarsiarineqarsinnaapput
Qinnuteqaat soraarummeersimanermut uppernarsaatinik, imminut ilisaritinnermik, oqaaseqaatinik attaveqaatissanillu ilaqartoq tigoreersimassavarput.
Qinnuteqarnissamut killissarititaasoq: juulip 16.-at, 2024