Qeqqata Kommunia Maniitsumi Atuarfik Kilaaseeraq immikkut isumaqatigiissuteqarneq tunngavigalugu ilinniartitsisussarsiorpoq
353 missaani atuartoqarpoq
42-nillu ilinniartitsisunik aalajangersimasunik atorfimmut akuerisaallutik
1.klassemiit 10. klasse tikillugu 21-nut agguakkanut klasseqarpoq
Immikkut annertusisamik atuartinneqartartut klasset 6-pput.
Qeqqata Kommuniani meeqqat atuarfiat ukiuni kingullermi ineriartupiloorsimavoq. Ineriartorneq tamanna ingerlaannassaaq ukiuni tulliuttuni, ilinniartitsisussarsiorpugullu nikisitseqataarusuttunik.
Atuarfik Kilaaseeqqami maannakkut allatut aaqqissuussilluta atuartitsineq ingerlapparput, neriuutigalugu atuartunut pitsaasumik kinguneqassasoq. Allannguinermi anguniagaavoq atuartut angusaat pitsaanerulissasut. Allannguinermi ilinniartitsisut suleqatigiittut piareersaqatigiinnissaat nalilersuisarnissaallu pingaaruteqarluinnalerluni. Atuartut trinneqatigiit assigiimmik atuariartorfeqarlutillu asooqatigiittarput. Fagini atuartitsineq aallunneqarpoq uku metodet atorlugit: tværfaglig uv., projektorienteret uv, uv. differentiering
Atuarfiup anguniagaqarfigai atuartut allamiut oqaasiinut, matematikkimi pikkorinnerulernissaat aammalu meeqqat inooqataanikkut piginnaasatigullu ingerlariaqqinnissaanut inerisarnissaat.
Taassuma saniatigut Qeqqata Kommuniata anguniagarivaa Meeqqat atuarfiani atuartut allamiut oqaasiinut pitsaasunik angusaqarnissaat atuartullu atuffarissinerunissaat.
Atuarfik Kilaaseeqqap illutaata inissisimanera pissutaalluni atuartut atuarfiup avataanut nuunneqarnikuupput. Nukarlerni atuartut sunngiffimmi ornittakkaniipput, akullerni atuartut Majoriamiipput, angajulliit Hotel Toppenimiipput. Taamaalillutik ilinniartitsisut pissarsiorfigut naatsorsuutigissavaat atuarfimmiinnatik piffinni allani trinnikkaarlutik inissisimassasut.
Trinninut tamanut Atuarfik Kilaaseeqqami ilinniartitsisussarsiorpugut
Nukarlerni ilinniartitsisunik 1-nik amigaateqarpugut: Fagini tamani ilinniartitsisinnaasumik kiisalu klasselæreriusinnaasoq.
Akullerni ilinniartitsisumik 3-nik pisariaqartitsivugut: Tuluttut atuartitsisinnaasoq amigaatigaarput, taamaattorli aamma Danskisut Kalaallisullu pisinnaasaqaraanni pitsaassaaq. Taakku saniatigut fag-inik allannguisoqarsinnaaffiit ukuupput: Inuiaqatigiilerineq, Nunalerineq, Oqaluttuarisaaneq, upperisaq isumalioqqissaarneq, Inuttut inerikkiartorneq, Assassortarissani, It-lerineq, Klasselærer funktion.
Angajullerni ilinniartitsisunik 3-nik pisariaqartitsivugut: Tuluttut, Danskisut Matematikkimili atuartitsisinnaasut amigaatigaagut, taamaattorli aamma Fysik/kemi-mi pisinnaasaqaraanni pitsaassaaq. Taakku saniatigut fag-inik allannguisoqarsinnaaffiit ukuupput: Inuiaqatigiilerineq, Nunalerineq, Uumassusilerineq, Oqaluttuarisaaneq, upperisaq isumalioqqissaarneq, Inuttut inerikkiartorneq, Assassortarissani, It-lerineq, Klasselærer funktion.
Immikkut atuartitsinermi ilinniartitsisunik 2-nik pisariaqartitsivugut: Fagini tamani ilinniartitsisinnaasumik kiisalu klasselæreriusinnaasoq.
Maniitsoq ukiuni kingullerni arlalippassuarni aalisarnikkut ingerlalluartuuvoq, tassani kommuni illoqarfimmik takujuminarsaanermik, inissianik sanaartornissanik suliaqartarsimalluni aammalu nutaamik eqqarsarnikkut meeqqeriveqarnikkut sunngiffimmilu sammisassatigut neqeroorutinik suliaqarluni. Maniitsumi makkunuunatigut periarfissaqarluarpoq:
- Meeqqerivinni inissat akitigut appasissut
- Sunngiffimmi susassaqartitsinermut tunngasut
- Sunngiffimmi timersorneq, tassunga ilanngullugit ujakkaarluni sangusaarlunilu sisorarfissaqqissut
- Pinngortitamut pisuttuarneq angallammillu angalaarluni periarfissat pitsaasut
Aningaasarsiat atorfininnermilu atugassarititaasut
Aningaasarsiat suliffeqartitaanerlu, soorlu angalanermi nuunnermilu aningaasartuutit malittarisassat aammalu isumaqatigiissutit Kalaallit Nunaanni Inatsisartut ilinniartitsisullu kattuffiata IMAK-ip akornanni immikkut isumaqatigiissutit atuuttut naapertorlugit pissaaq (takuuk www.imak.gl). Atorfinitsitaaneq inissinneqassaaq minnerpaamik ukiunut pingasunut, periarfissaqarluni sivitsuinissamik, ukiut ataasiakkaarlugit.
Inissaqartitsineq
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqaarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il. il. akiliuteqartoqartassaaq.
Meeqqanik pinerliisimannginnermut uppernarsaat:
Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq, erseqqissaatigineqassaaq.
Pinerlussimannginnermut uppernarsaat:
Atorfik una pinerlussimannginnermik allagartamik paasiniaanissamit inatsimmik pisussaatitaavoq.Inatsit naapertorlugu politiiniit pinerluuteqarsimannginnermut uppernarsaat kommunimit tiguneqareerpat, aatsaat atorfinittoqarsinnaavoq.
Annertunerusumik paasisaqarnerorusukkuit Atuarfimmi pisortaagallartoq Mina Marie Andersen attavigisinnaavat oqarasuammut (+299) 81 31 22 imaluunniit e-amil mina@kilaas.gl imaluunniit mima@qeqqata.gl
Atorfinititsineq pissaaq 15. marts 2024 imaluunniit isumaqatigiinnikkut.
Qinnuteqarfissamut immersugassaq aaneqarsinnaavoq uunga alakkarnikkut: http://www.maniitsumi-atuarfiit.gl Qinnuteqaatit ilinniarsimanermut uppernarsaatit pisariaqaritat, CV, sulisitsisukunit oqaaseqaatit, pillagaasimanerup / pillagaasimannginnerup allagartaa, meeqqanik pinerliisimannginnermut uppernarsaat kiisalu inuit imminut tunngasunik oqaaseqarsinnaasut saaffigineqarsinnaasut allattorsimaffii ilanngullugit nassiunneqassapput.