Sarfannguani atuarfimmut atuarfimmi aqutsisumik, ulluinnarni ingerlatsinermut, ilinniartitsisunut, aqutsisut ingerlatsivillu peqatigalugit akisussaasussamik pissarsiorpugut. Ilinniartitsisunik, angerlarsimaffinnik, sunngiffimmi immikkoortortamik, ingerlatsivimmik, pingaarnertullu meeqqanik suleqateqarluarnissamik pingaartitsisumik aqutsisumik pissarsiorpugut. Sarfannguani atuartut 1.-8. klassimiittut 10-iupput, ilinniartitsisunullu pingasunut amerlassusiligaalluni. Nunaqarfimmi atuarfimmi pissanganartumik ineriartortumi aqutsisumik kajumissutsimik, naleqqatigiissaartumik kiisalu perorsaanikkut ersarissumik aqutsinermik upperinnittumik pisariaqartitsivugut. Atuarfimmi suliniuteqarfiit: Ilikkagaqarneq, tatitussuseq, akisussaaqataaneq Tamatuma saniatigut atuartut akornanni atuagarsornikkut angusarissaarnissaat kiisalu namminersorsinnaanissaat atuarfimmit ukkatarineqarpoq, taamaalillutillu Maniitsumi 9.-10. klassimik ingerlatsinissaminnut piareersimassallutik.
Pingaartitat allat tassaapput:
- Atuartitsinermi iPads-inik atuineq
- Atuartitsinerup pissarsiaqarfiginissaanut, klassimi ingerlalluarnissamut kiisalu atuarfiup angerlarsimaffiullu akornanni naatsorsuuteqarnermut isumaqatigiissutip tamanit malinneqarneranut atatillugu, angajoqqaanik atuartunillu ataavartumik suleqateqarneq
- Ukiumut sapaatillu akunneranut pilersaarutinut, pilersaarusiornernut, atuartunut iliuusissatut pilersaarusiornernut, atuartut ingerlalluarnerinut il.il. pillugit atuarfiup intra-nik atuineq
Suliassagut:
- Sulisunik aqutsineq, sulisunik ineriartortitsineq allaffissornerlu
- Nakkutilliineq kiisalu missingersuutinik naatsorsuutinillu malitseqartitsineq
- Nakkutilliineq matumani Sarfannguup Atuarfiata ataani illuutinik kiisalu atuareernerup kingorna paaqqinnittarfimmik aserfallatsaaliineq
- Nunaqarfimmi innuttaasut sunngiffimmi atuartinneqarnissaanik neqeroorfigineqarnissaat qulakkiissallugu
- Atuarfiup siulersuisuinut kommunalbestyrelsimullu atuarfiup ingerlanneqarnera pillugu akisussaaneq
Akissarsiat atorfininnermilu atugassarititaasut
Akissarsiat atorfinitsitaanermilu atugassarititaasut, matumani akiliunneqarluni angalasinnaatitaanerit pequtillu assartorneqarnissaat ilanngullugit, Naalakkersuisut aamma ilinniartitsisut kattuffiat IMAK-ip akornanni qaqugukkulluunniit isumaqatigiissutit atuuttut naapertorlugit inissinneqassapput. Naalakkersuisut aamma Kalaallit Nunaanni kommunini tjenestemænd-it naapertorlugit, atorfinitsitaaneq ukiuni aalajangersimasuni atorfinitsitaanermut immikkut pissutsit naapertorlugit pissaaq (åremål). Atorfinitsitaanermi aammattaaq Naalakkersuisut IMAK-illu akornanni isumaqatigiissutit atuuttut imaluunniit Naalakkersuisut IMAK-illu akornanni akissaatinut isumaqatigiissutaat malinneqassapput.
Qaammatini aqqaneq-marlunnik atorfeqareernermi akiliunneqarluni angalatitsisoqarsinnaalissaaq.
Meeqqanik pinerliisimannginnermut uppernarsaat
Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip meeqqanik pinerliisimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik maluginiaqqussavarput kommuni Rigspolitinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.
Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianit pissarsiarineqartussaq tunngavigalugu atorfinitstsisoqassaaq.
Inissaqartitsisoqarsinnaavoq, malittarisassallu atuuttut naapertorlugit akiliuteqartoqartassalluni.
Atorfininneq pissaaq 1. april 2024 imaluunniit isumaqatigiissuteqarnikkut
Qinnuteqaammut immersugassaq www.qeqqata.gl/job-imut aaneqarsinnaavoq.
Atorfik pillugu paasissutissat sukumiinerusut Sisimiuni Ilinniartitaanermut pisortaq Nivi H. Efraimsen, oqarasuaat (+299) 73 25, e-mail: nhef@qeqqata.gl saaffiginninnikkut pissarsiarineqarsinnaapput.
Qinnuteqaatit: Qinnuteqaat ilinniarsimanermut uppernarsaatinik, imminut ilisaritinnermik oqaaseqaatinik attaveqarfissamillu ilalik nassiunneqassaaq